坤記煲仔小菜 (已搬遷) 新店位置

餐廳開門就去，所以唔使等，但圓檯位坐得唔舒服。總共7個餸：九肚魚、小炒皇、雜菜煲、羊肉煲、西檸雞、田雞煲仔飯、北菇滑雞煲仔飯。小菜ok，九肚魚炸得香口軟熟（我唔啱魚都食到）；小炒皇一般，無菜脯，太多蝦乾（我爸話唔係靚蝦乾）；雜菜煲正常；羊肉煲無咩羊肉；西檸雞唔錯（我妹話甜，唔覺，酸咪咪，ok）。兩個煲仔飯麻麻，可能我對煲仔飯嘅認知停留係我媽嗰種將d料爆一爆再落煲煮、料同飯好夾嘅自家煲仔飯程度，所以覺得坤記呢種就咁擺d料係個飯上面煲熱佢唔覺有咩特別，田雞同雞都無咩味。