為左同朋友慶祝生日, 所以預早訂位頭場入坐.
個場好大, 可以坐到好多人, 不過而家係4人一枱, 所以感覺寬闊D.
小菜款式花多眼亂, 樣樣都想食, 仲有荃灣限定菜式.
先要個香煎黑松露手打蓮藕墨魚餅, 餅面煎到金黃色, 唔會過燶, 又唔會太油, 帶點脆香.
入面有一粒粒既墨魚粒, 蓮藕粒, 食落特別爽口.
仲有淡淡既黑松露香味, 齒頰留香. 係一個好野味既頭盤.
仲有係朋友必點既金沙黃金白飯魚, 每條白飯魚都充滿咸蛋黃既金沙, 咸蛋黃味夠晒濃,
外面微脆唔油膩, 愛好咸蛋黃必選.
最後要多個菠蘿拔絲咕嚕肉, 雖然呢個餸係好普通既野, 但就唔係度度整得好食.
呢度既咕嚕肉唔會炸得太硬, 帶點脆口. 個汁唔酸帶甜, 所以好易入口.
因為係用梅頭肉, 所以無骨啖啖都係肉感, 大人細路都啱食.
甜品要左荃灣限定既黑金流沙奶黃壽桃, 係即蒸出爐, 所以個皮好鬆軟,
入面既奶黃非常流沙, 唔會太甜, 好滿足.
