生記飯店 (已搬遷) 新店位置

今年書展決定唔去，由於這幾件都有唔愉快嘅經歷，而且新書無咩節扣，於是我諗住去上樓書店買書， 原來仲平。成日都經過灣仔修頓對面，真係唔知道有間樓上舖海鮮飯店，朋友相約食飯介紹才知，是日係慶祝生日飯局。海鮮飯店布兩層，最好訂位，星期五晚坐無虛席。 仍用舊舊老牌嘅餐牌，應該有點歷史。 我們一行十人，可以試好多招牌菜。服務週到，頗有效率。 裝修簡單，光猛整潔。陳皮蒸牛肉餅 – 陳皮香牛肉滑，ok!椒鹽鮮魷 – 魷魚新鮮又嫩口，炸漿薄薄，好惹味，由於一碟份量太少，於是叫咗兩碟!上湯勝瓜浸豬潤 – 豬潤嫩滑，配上上湯，清清哋好正!梅菜蒸菜芯 – 略微普通，家常小菜!煎藕餅 – 蓮藕刨絲，吃來好軟軟又有咬口，好味、特別又係心機菜，超讚!大荳芽炒肉鬆 – 刀功好，調味好，正!芝麻雞 – 皮脆肉嫩，好好味，最好訂，好快無!生炒骨 – 酸甜味道較得唔錯，豬肉亦唔係一味肥，可以!翠塘蒸豆腐 – 豆腐滑滑，蒸得好靚添!南乳炆豬手 – 豬手炆得入味又腍，可惜份量少咗d!天下第一椒 – 普通鯪魚肉釀青椒，有分辣同唔辣，無咩特別!甜點係送嘅，切得細細粒嘅白糖糕，都幾好味喎~~~~