Project B (已結業)

要喺九龍區市中心搵地方同朋友靜落黎、傾吓計，都唔係一件容易的事。呢日特登揀咗Project B呢間西餐廳，放工後同新朋友食吓飯，坦誠交流，Chill一Chill~Project B 係深水埗與太子交界，旺中帶靜，店內以木系工業風作設計，供應多款多國菜主食及小食，有咖啡又有酒品，氣氛休閒放鬆。我哋見二人餐（$298）都幾豐富，有兩份是日餐湯，同埋主菜一款及意粉/意大利飯一款。最後我哋就揀咗加拿大豬鞍配蜜糖芥末籽汁及炸軟殼蟹南瓜忌廉意粉，加錢點了Project B及Pineapple Squash。是日餐湯係蕃茄湯，見佢顏色淡淡地，估唔到蕃茄味咁濃，用料豐富，蕃茄蓉咁多，飲完都幾開胃。炸軟殼蟹南瓜忌廉意粉，感覺味美！首先軟殼蟹好大隻，咬落去非常鬆脆，有滿滿蟹膏。而且意粉以南瓜忌廉烹調，感覺creamy！至於加拿大豬鞍以薯條襯底，加拿大豬鞍非常厚實，肉味濃厚，配蜜糖芥末籽汁，口感豐富，薯條新鮮熱辣，十分滿足。Project B呢杯飲品以餐廳為名，相信都係店內signature飲品，以蘋果汁做底，加有雪碧同埋Sweet n' Sour等，酸酸甜甜，又幾好飲。至於Pineapple Squash