鼎泰豐

营业中

休息中

當你身處沙田新城市廣場你會發現你周圍都係比連鎖式色店包圍，明白嘅始終都要交租。當你想食中餐又有少少趕時間但係對自己都有少少要求唔想食快餐，鼎泰豐就係你嘅救星。其實香港都有唔少鼎泰豐嘅分店，個人來講我都覺得佢哋嘅水準好一致。上菜快，價錢中等同埋座位舒適服務周到已經係一個午餐好好嘅平衡。我一個閒日嘅一點鐘一個人行咗入去鼎泰豐大約40分鐘就食完餐晏。貼心嘅服務有員工幫你用膠套套住你嘅外套，食物水準一般都係高，小籠包熱辣辣薄皮，乾拌菜肉雲吞皮夠滑調味夠惹味，蒜蓉炒油麥菜係我一路以嚟嘅至愛。我諗我冇係香港食個一個咁多蒜蓉嘅油麥菜雖然係油左少少不過真係好正