容記小菜王

营业中

休息中

夏日炎炎！🌞如果大家想有個舒服環境食一餐有大排檔風味嘅飯就唔好錯過接下落黎介紹嘅呢間啦！🤓 今日同一個好耐無見嘅朋友見面，咁啱大家都想食小炒，但又唔想三十幾度熱辣辣坐大排檔，好彩係鬧市中搵到呢間餐廳。呢間餐廳甚至有菜色係米芝蓮指南推介名菜—燒肉🤩 不過我同朋友想食下海鮮，最尾就無嗌到佢，嗌左三個菜：黃金鮮魷，鮮蝦餅同埋一碟炒菜。蝦餅彈牙即炸熱辣辣👍🏻 黃金鮮魷送飯一流，既有鹹蛋嘅香味亦有炸鮮魷嘅脆口！🤩 最尾想讚下餐廳環境服務方面，由於餐廳係樓上一樓嘅，咁我地要搭𨋢上去啦。一出𨋢就已經見到有笑容可掬嘅店員歡迎我地。入口亦都有部探熱機確保食客嘅健康先比入去用膳。可能由於疫情關係，兩個人都可以坐梳化，坐得好舒服，整體用餐體驗好好👍🏻👍🏻