52C Medium Rare (已結業)

係周末到佐敦午餐，原來廟街成為年青地帶，除左幾間coffee shop 仲有石燒牛 😋外表純白色裝修，內裡以淺啡木系為主，有2層空間大，有不少植物擺設和打卡牆壁，走小清新路線。 在入口以點餐機下單，店員會送上餐點，可選擇日式燒肉或石燒牛，餐牌上選擇多，介紹美國純天然400日穀飼牛肉，最後選了2款石燒牛扒，配沙律、餐湯和白飯。 餐湯以牛肉和雜菜煮成，材料豐富，牛骨味濃，再加上椰菜西芹洋蔥等，飲落舒服，調味剛好唔會鹹。另有日式沙律菜配胡麻醬。 =石燒牛肩 (180g) $88=牛肩屬經常運動的部位，肉質較結實，肥瘦均勻，以薄切大片，牛味濃郁，石板溫度高，因此只需等候一會就食得，由於肉味明顯，不用特別調味已經足夠，屬於不錯的牛扒選擇。 =石燒封門柳(180g) $148=牛柳厚身，條紋清晰，牛味同樣濃郁，肉質細嫩易入口，煙韌得黎唔會鞋，牛控最愛! 店員為客人燒至3成，所以好快燒到medium rare，熟度剛好就食得。配埋燒肉汁和胡椒鹽，屬高級享受，性價比高。