影片
更多
2017-08-13
53 浏览
一行四人，來到我最愛嘅九龍城食泰國菜， 見到新鋪，一於試一試，平時食泰國菜 ，多數都會去泰國街嗰邊 ，但係今次就比平時遠啲，喺門口見到有塊大大塊嘅易拉架仲有加一蚊換沙律。 冇理由唔試。我哋叫咗 柚子沙律，馬拉盞炒椰菜苗，豬肉生菜包，鮮蝦炒金邊粉，海南雞，菠蘿炒飯，炸蝦餅，糯米釀雞翼。先嚟嘅係柚子沙律， 我哋有隻沙律仲特登叫小辣， 柚子沙律用料十足 ，食物新鮮 ，柚子夠甜 ，配合埋沙律酸酸甜甜味道好開胃。再來馬拉盞炒椰菜苗， 炒得好有火喉 ，椰菜苗仲好嫩口， 最重要嘅馬拉盞， 仲有鹹鹹香香嘅味道， 真係唔錯 ，平時食炒菜最怕油膩， 好彩佢一啲都唔油。泰國菜我嘅至愛 ，生菜包 平時啲人成日都話我蠢， 做咩要食生菜包呢啲低下菜， 喺啲下欄嘢但係我就會話 ，煮得好食既生菜包，係好難，唔係個個咁出色， 如果係用機整， 個肉就會梅曬，冇左口感， 所以係有難度㗎。 今次呢間個生菜包， 做得都唔錯， 佢個豬肉餡 口感豐富，食落有層次，分到係一粒粒嘅豬肉碎，酸酸，辣辣， 鹹鹹 ，取最犀利嘅地方 ，係仲有一浸青檸味， 食落好香好舒服。 但係每次食生菜包， 遇到最困難嘅地方 ，就係唔夠生菜 ，今次都唔例
我哋叫咗 柚子沙律，馬拉盞炒椰菜苗，豬肉生菜包，鮮蝦炒金邊粉，海南雞，菠蘿炒飯，炸蝦餅，糯米釀雞翼。
先嚟嘅係柚子沙律， 我哋有隻沙律仲特登叫小辣， 柚子沙律用料十足 ，食物新鮮 ，柚子夠甜 ，配合埋沙律酸酸甜甜味道好開胃。
再來馬拉盞炒椰菜苗， 炒得好有火喉 ，椰菜苗仲好嫩口， 最重要嘅馬拉盞， 仲有鹹鹹香香嘅味道， 真係唔錯 ，平時食炒菜最怕油膩， 好彩佢一啲都唔油。
泰國菜我嘅至愛 ，生菜包 平時啲人成日都話我蠢， 做咩要食生菜包呢啲低下菜， 喺啲下欄嘢但係我就會話 ，煮得好食既生菜包，係好難，唔係個個咁出色， 如果係用機整， 個肉就會梅曬，冇左口感， 所以係有難度㗎。 今次呢間個生菜包， 做得都唔錯， 佢個豬肉餡 口感豐富，食落有層次，分到係一粒粒嘅豬肉碎，酸酸，辣辣， 鹹鹹 ，取最犀利嘅地方 ，係仲有一浸青檸味， 食落好香好舒服。 但係每次食生菜包， 遇到最困難嘅地方 ，就係唔夠生菜 ，今次都唔例外。
到達鮮蝦炒金邊粉， 外形就好靚仔，上面仲有個蛋皮包住， 一打開佢， 熱辣辣 ，金邊粉酸酸甜甜， 仲有一陣少少嘅番茄香， 再配合埋少少青檸汁， 更加可口， 值得一講嘅係佢個鮮蝦， 好爽口， 又不失蝦嘅鮮味。
菠蘿炒飯， 比想像中有啲普通，定係之前嘅太出色， 好普通嘅菠蘿炒飯，用鮮菠蘿， 炒飯勝在唔油膩 ，都算好健康。 但係我對佢嘅配菜，就好鍾意， 就係佢啲腰果， 一粒粒好鬆脆， 食完之後又唔會覺得喉嚨痛，熱氣嘅感覺。
泰國必食海南雞， 隻雞一嚟到望到塊皮咁黃已經知道正， 食落口更加有驚喜 ，隻雞好似瀡滑梯咁咁滑呀 ，我哋嗌咗半隻，佢真係好足料，唔好偷雞黎足半隻 。隻雞又整得夠入味， 完全唔會覺得淡口 ，其實唔點醬汁就咁食都好正， 但係一定要點下去個雞醬， 好有泰國嘅味道， 做到同水門嘅感覺， 個味直情係同水門街嗰兩間雞一模一樣 ，我個人真係覺得佢好好食， 平時唔多食雞皮嘅我，都有食雞皮因為佢個雞皮真係好香。
最後到達嘅係炸蝦餅 同 糯米釀雞翼。 炸蝦餅，炸得都唔錯 ，外面好脆 ，食落都好 爽口彈牙， 做到炸蝦餅最基本要有嘅嘢。 至於糯米釀雞翼， 又畀我去返泰國嘅感覺， 完全唔似平時嘅港式口味， 完全嘅泰國風。 佢入面嘅香料真係淨係泰國先會用既， 最重要點解要叫釀雞翼係因為而家做緊特價， 來到試下去 ，完全超出我想像好食。
我哋仲叫咗， 芒果糯米飯 ，黑糯米配普通糯米 ，最重要去上面嗰椰汁， 唔會好似泰國嘅，得一陣甜味， 仲有帶啲鹹香， 好有趣， 至於個芒果最怕就係酸 ，好彩佢好甜，甜到漏。
差唔多食完，突然間有幾個千層糕送黎， 我哋問做咩事， 原來仲有甜品上 ， 千層糕食落都好好食 ，個口感煙煙靭靭， 完全唔會咬落，一咬就散 。 最重要佢不失香葉嘅味道， 唔會話得一陣椰汁味。
下次一定要再來 ，仲要搵多幾個朋友 ，但係一定要搵啲係泰國知音 ，如果唔係真係浪費咗。
张贴
