倪姐泰國美食

九龍城不嬲都出晒名食泰國嘢，喺九龍城讀書嘅CWY當然唔會放過呢個機會, lunchtime出去覓食呢間野lunch menu有好多選擇，價錢$48-$52，著校服既學生仲要全部都$38，呢個價包埋野飲甜品真係抵到爛。泰式奶茶咖啡龍眼冰全部唔洗加錢，當人哋糧尾咬緊包，我去食泰國野，會唔會太過份🤪.豬肉丸船河 $48 (可選: 金邊粉/米粉/河粉)(招牌船河湯底🌶辣/清湯)我要左河粉，同港式河粉唔同，佢係闊身一片片好泰嗰種，好食但係好滑成日係我對筷子到偷走😤泰國嘢嘅豬肉丸都幾經典，冇令我失望，彈牙好食，豬肉片嘅份量都幾多，有肥有瘦一啲都唔乾，鬆軟口感。我食得辣所以覺得個湯底辣辣地幾正，但同學就食到鼻水都流埋，唔食得辣就唔好揀辣啦。佢唔辣嘅湯底其實都係泰式船河個種啡黑色，一樣好食。泰式湯係帶微甜甜，濃郁。碗野仲跟左啲通菜，香港人要食多啲菜呀排毒，面頭有炸蒜連河粉食更香口。泰式凍咖啡呢度午餐跟嘅所有飲品我都飲過，佢另外仲有黑咖啡，但其實佢呢度嘅飲品全部都係甜嘅，就算係黑咖啡都好甜，不過可接受的。泰式飲品係冇得走甜因為調校好左，叫少甜佢只係沖淡啲俾你。.仲食過海南雞飯、豬手飯、豬頸肉飯、香葉辣椒肉碎飯、各種炒飯，其實都未伏過，炒飯都唔會太油。佢個雜錦喇沙湯米線值得試，湯底夠濃又香又多海鮮料又大碗，正常價都係$52抵過你去食_司_坊啦🤭…查看更多

好耐無黎九龍城D餐廳好多都轉哂以前拍拖好鐘意食金泰美食:)行到黎呢個鋪位變咗倪姐唔緊要都試下！價錢都ok 同呢度既餐廳差唔多我幾鐘意佢擺哂d汁起度比人拎有唔同既汁不過我就無試啊！我分別嗌咗象啤蒜容包$28炒金邊粉$73 串燒 牛 雞 豬 魷魚鬚 雞腎先講講個蒜容包我無影相 太肚餓但呢個真心劣食一黎到 得三舊 手指咁長架咋咁我以為係出面全部查滿哂蒜蓉牛油個種點知佢好似法包仔咁淨係中間查都算仲要淨 係 得 牛 油 無 蒜 容咁同餐包有咩分別？！$28食三舊餐包離哂譜個金邊粉就幾好食既！但太濕痴埋一舊唔難食但據我以前成日黎呢度食既經驗大把比佢更好食而串燒比金泰差好遠個汁無咗以前金泰有少少花生粒個種醬依家好多水溝稀了了:(唔信睇下張相味亦都普通無乜肉味豬牛雞食落都差唔多係魷魚鬚好少少出面檔口仔好食好多！整體黎講服務 環境都普通食物無誠意九龍城咁多泰國菜一定無下次…查看更多

係樂富行左去九龍城搵野食～最近siu gum條九龍城都冇咩餐廳開 邊行邊搵就黎左呢間經過都聞到好香既泰國餐廳！成條街冇咩人但呢間餐廳係坐滿人～先黎串燒 我本身冇特別鍾意串燒 呢個整體都正常 算唔錯啦～椰青海鮮（？）唔記得叫咩名呢個係推介！！可能我本身好鍾意食椰味 呢個甜甜地 餸飯一流！好味好味😋😋「芒果蟹肉炒飯」上左枱我同朋友都r哂頭係咪黎錯左😂😂😂成碟食哂都唔係好覺有蟹肉🤷🏽‍♀️紅毛丹椰汁～😋😋…查看更多

成日晏就唔想自己煮都會嗌船河外賣，打完電話落單換件衫行落去就有得攞。經常都係嗌豬頸肉船河轉金邊粉，貪佢金邊粉可以吸哂啲湯，夠入味。豬頸肉份量都多，大概8-10塊。配料仲有通菜。湯底微辣又夠濃，好正。午餐仲配埋野飲，細細杯但又啱啱好。…查看更多

同朋友行行吓，見唔駛等位，d 燒烤味又有D 香，唔諗咁多入去試吓。叫左豬肉丸船河，喜出望外，很好味串燒有意外驚喜，雞腎超好味，豬肉丸牛肉串有肉汁。青咖喱雞，不太辣(我個人食得好辣) 香濃惹味！叫左條燒魚，雖然等左20分鐘先嚟，不過值得，掂泰色辣汁，很夾。仲有我最鍾意食的生蝦，綠色辣汁，正！其餘餸菜都好味！無諗過一間不起眼的鋪頭有呢個水準，最緊要係抵食！仲要星期四加一蚊，换芒果糯米飯，芒果好甜好香超值下次一定再嚟食…查看更多

今次真係比個bad依間餐廳。先嚟係依個蒜蓉包。本身熱辣辣脆卜卜。諗住等埋個咖哩先食。點知等呀等等呀等。。。上咗串燒先。其中一串豬唔熟囉。食到木晒咀。不可原諒。最後補返兩串補數。不過沙嗲汁極少。又無乜味。啲肉啲味都怪怪哋食完就繼續等咖哩同金邊粉。催完佢就。。。等呀等。等呀等。。。。再等。店員見到都好心幫手再催。繼續等。一等再等。等。寂寞到夜深。Zzz zzz。。成個鐘之後終於上映一幕咖哩之邂逅。咖哩係好食嘅。點包食一流。可惜包已凍又無乜蒜蓉味。最後係千夫萬喚始出來嘅金邊粉。好大碟。都幾好食。可惜得到只有劣評沒有半粒星…查看更多

呢間餐廳有啲其他餐廳冇嘅泰國菜，我覺得幾特別，可以嚟試下。佢有一個河粉好特別，好可惜我唔記得咗個名。深啡色，有少少辣，就咁樣睇餐牌，似乎係佢哋餐廳最出名嘅嗰一道菜。呢一個可分係我食過嘅河粉入面最好食，無誇張，真係要試下。同埋喺其他餐廳，我冇見過呢道菜。之後我哋叫咗一個冬陰功炒飯，冇咩特別，正正常常，不過不失咁樣。另外，我哋仲叫咗一個芒果糯米飯。 呢個真係有一般，因為啲芒果好酸。 但係佢除咗糯米飯之外，仲用咗紫米，又幾特別。…查看更多

懷念泰國美食，今次揀咗呢間倪姐，星期六大約八點入座，唔算多人，唔使等位，空間較大，唔使位貼位，坐得尚算舒服。叫咗冬蔭功炒飯，燒雞全翼同泰式炒通菜。先上菜既係冬蔭功炒飯，雖然我唔食得辣，但就係非常鐘意食冬蔭功，呢個飯絕對滿足到我，因為就好似係將成個冬蔭功湯底撈落個飯度炒，冬蔭功味非常濃郁，加上配料絕不欺場，有蝦，秀珍菇，同埋平時食冬蔭功既其他香料等，我覺得呢個飯絕對可以encore.泰式炒通菜，配蝦乾炒，微辣，炒得好香同剛剛好，通菜仍然爽口，配上都算濃味既蝦醬，都係食到停唔到口。至於個燒雞翼，相比起之前兩個菜，就真係冇乜特別，略嫌普通咗啲，下次可以再試吓其他串燒。總括唻講倪姐既食物水準算中上，算係真材實料，價錢一般，有加一，我覺得有機會係可以再戰既。…查看更多

朋友大力推薦青咖哩很好食，超級送飯，而且唔會太辣。豬頸肉豬頸肉還好雖然唔會太乾，但冇乜特別。海南雞雞夠話啲滑，汁唔係比馬來西亞嘅海南雞，個種黑豉油嗰啲，而係甜酸汁。要加汁食先好味。煎蠔餅蠔唔鯹，而且都比幾多蠔。雖然個人唔係特別鍾意食。肉碎生菜包肉質炒啲有啲乾，但調味唔錯。…查看更多

情人節唔想食貴價情人節套餐求其行過見到呢間野啲價錢算正常加上都幾多人食就入左去啦～叫了一個鮮蝦金邊粉,3串串燒（豬，牛，雞腎），每串都係$16，價錢相當合理，青咖喱（雞）加薄餅，同埋芒果糯米飯。鮮蝦金邊粉賣相吸引，味道正常，蝦非常好食，可惜只有3隻～串燒不得了，雞腎好味到想encore！醬味亦十分惹味。青咖哩就有啲辣（對於唔太食得辣既人嚟論），薄餅十分好食！係我今晚既最愛！皮煎得岩岩好，有咬口，煙韌！念念不忘呀實在～～～最大既敗筆就係mango糯米飯，啲芒果酸到不得了，而椰漿就太甜，實在麻麻，食左兩啖冇食，辛苦男友了！另外叫左紅毛丹沙冰同青檸梳打，前者太甜，後者則太酸！…查看更多

其實我入咗嚟之後都好迷惘我唔想好普通咁樣飲個冬陰功 加個咖哩就算數我真係未食過泰式串燒雖然唔係好特別但係真係好好味佢個糯米雞翼入面雖然有我唔鍾意食嘅芫茜但係 亦都無損我對佢鍾愛嘅程度雞肉香滑糯米飯好足料有好多臘腸但係呢樣嘢算唔算係泰國嘢 我都畀唔到答案你只不過佢加個泰式醬汁令佢 多少少泰國味道泰式墨魚丸我覺得唔夠彈牙不過佢個沙嗲醬汁就有少少似印尼嘢雞肉串燒醃得好好好惹味其實我未食過芒果炒飯我成日會覺得佢係一pat pat咁樣但係呢個炒得唔錯淡口咗少少每張枱有一set 調味醬有辣椒魚露辣椒醬同辣椒粉仲有沙糖個橙色辣椒真係好辣…查看更多

今日我同朋友黎九龍城呢頭因為好想食泰國菜，行到去呢間餐廳嘅頭嘅門口, 記得之前上網睇過呢間正宗, 就入去試試先來叫咗個椰青, 我超級鍾意飲椰青, 好清甜, 最緊要夠凍, GOOD海南雞飯都OK, 特別係個醬, 又唔會太辣特, 個黃油飯有幾香之後叫咗個每次食泰國菜必點既馬拉盞炒通菜之前食呢個菜, 好多時都會炒到啲菜好林但係今次硬度OK去到我最鍾意食嘅炸蝦餅春卷呢個春卷入面全部都係蝦滑, 再加左一隻新鮮蝦落去, 一齊食, 都唔錯,我幾乎一個人食晒全部最後仲叫左個糯米讓雞翼食完會好飽肚啱晒男仔食,味道就一般😔唔係好夾…查看更多

是晚突然想吃泰菜，得知這家倪姐有我最愛的泰式船河，上次遊泰國時一直好想吃，但可惜找不到，幸好香港都有得食，一下班就衝著來。於傍晚7時左右，已很旺場，其實我之前都有到九龍城吃泰菜，這裡的泰菜多不勝數，就是略厭空間小，坐位擠迫，坐得不太舒服，但這家倪姐室內環境尚算舒適，位與位之間空間大，坐得舒服。 餐牌有好多選擇，款款都想食真是令人花多眼亂，而且價錢一點都不貴。 點了豬肉丸泰式船河，濃郁的湯底帶些甜味，十分開胃，我覺得比起曼谷當地的船河，這裡更好吃，以後都不用費神走到老遠的泰國吃船河了。 其實食完呢個船河，我感覺自己會再來end call，想起都想食，覺得會上癮的。 蒜蓉炒芥蘭，微辣，芥蘭新鮮爽口，不會很油膩，份量又多，配白飯一流。 炭火燒鰂魚，每次吃泰菜我都只懂點烏頭，但這次轉轉口味，完全是我想吃的，果然沒有失望，鰂魚燒至好香，魚質好滑又彈牙，火候剛剛好，亦能鎖緊魚的肉汁，點上旁邊的酸辣醬，刺激味蕾，越吃越開胃，其實魚內藏了很多泰國的香葉一拼來燒，是正宗呀! …查看更多

今晚看世盃前，獨個兒來進餐餐廳內人流不多、可以靜靜地享受美食，大愛這氣氛1. 蝦餅拼魚餅CP值很高、有8大件，熱辣辣的、非常惹味2. 糯米釀雞翼、糯口很軟身，外皮脆口、真的很惹味，大大大大大力推介3. 豬頸肉船河，很特別，由於我未曾在泰國🇹🇭吃過船河、無從比較，但以一頸肉湯河來評分，它已屬高分之作，豬頸肉外皮微焦香口、肉身味十足，再加上我很愛吃粉麵、它的方形河粉煮得實在出色，湯底味道出色....下次要再來試豬肉丸船河已約好了男友，會再來啊…查看更多

天黑黑，人也黑漆漆…是夜相約了姊妹們W及K小姐，特意來到九龍城食泰國菜。下班後，盡管冒着傍大佗大雨，也不失約。，笨笨的小妹，在宋王臺公園巴士站下車後，竟然迷路了，在黑漆漆天雨之下，反方向到了土瓜灣才得知，中途又擦傷了腳，來來回回用了近半小時幾經辛苦才到九龍城。即使有雨傘，到了餐廳，已全濕透，由於太多阻礙的關係，來到時亦感氣憤，不過即點了一個椰青，再吃一點食物開心一下兼下下火。姊妹們亦非常細心，已一早點好了食物，再望望餐牌，覺得最吸引就是燒烤類，故追加了燒雞全翼。泰國餐絕不缺少泰式生蝦刺身/$98，望落都大大隻，十分厚實。每件上面有一塊蒜，主要是辟生味。生蝦十分新鮮，混合調味青辣醬一併吃，入口辣而咬落爽口鮮甜，也值得一點。肉碎生菜包/$78，可以選豬、雞、牛，我們就選了豬肉。清晰可見生菜也綠油油，清洗得乾淨。將豬肉碎放在生菜上，然後包起來吃，咬落爽口，幾乎每口也卡卡聲，而豬肉碎亦微熱，夾雜了菇碎，食落感覺有少量冰火交集，又有層次感。以火爐盛載住的海鮮冬蔭功湯/$138，可保持其熱騰騰的温度。內裡的配料及香料多，魷魚、大蝦、菇類、蕃茄等，味道不過不失，未有大大驚喜，惟要讚的是辣度算是剛剛好，不會太過辣嗆口，但入口又不失辣的風味，不過只要多喝幾口，就會感到胃腹微熱之感，冬天喝會更好。最期待的就是燒雞全翼/$18隻，燒得十分出色，金黃又有遺留微燶炭燒味。小妹亦十分喜歡其香草調味，吃的時候亦可沾上一旁的沙爹醬，至於雞肉不會太黏骨，而且尚算嫩滑，$18有一大隻，也算非常抵食！泰式燒羊架/$128 (3件)雖然感覺比較燒過火侯，但味道可是不錯，沒有羶味之餘，肉質不會太鞋口。每件也相對大隻，我們剛好三人，可一人一件呢。可能是喝過冬蔭功湯吧，感覺到空調不太夠，越食越熱。雖不是有太大驚喜，但整體味道也尚算不錯。三伙子邊吃邊聊天，不經不覺，外面的雨開始減細，又是時候埋單起行歸家。順帶一提的是大概由於天雨關係，人流不算多，三人可坐六人枱，感覺闊落，用膳過程亦愉快。…查看更多