岳川串揚 (已結業)

適逢假日，同朋友相約去銅鑼灣行街食飯chill一chill。初嚐小店，雖然座位不多，但環境夠寧靜，可以休閒地同朋友傾下計。 日式燒汁牛肉烏冬 烏冬煮得啱啱好好，冇煮到發脹或者成平糊咁，食落彈牙爽口，個湯底亦都非常有誠意，飲落充滿着昆布香味、唔會死鹹。烏冬上面仲有啲芝麻同紫菜碎，單食烏冬都覺得好正。 日式燒汁牛肉調味濃郁而唔會過鹹，同時食到牛肉油脂香味同燒汁嘅甜味，牛肉亦都好少根、有咬口之餘唔會靭。 原條蒲燒鰻魚飯 鰻魚煮到入口即溶、而且冇咩腥味、同鰻魚燒汁夾埋一齊非常送飯。每一啖飯都充滿住鰻魚汁，唔會食到最尾變咗白飯。鰻魚味道比較厚實同濃稠，配埋配餐嘅醃菜一齊食， 酸酸甜甜好清新而且仲解油膩感。 2個lunch set都可以免費配唔同既飲品，同時，亦可以以特惠價追加佢地既串燒。