上海弄堂菜肉餛飩 (歌賦街) (已搬遷) 新店位置

難得同老公喺中上環hea😎，佢話想食上海雲吞喎，就下佢啦。走到歌賦街，見到上海弄堂，弄堂即小巷的意思，舖頭位於此街，好貼切。裝修走懷舊風，吊扇，屏風，掛滿懷舊相。先嚟個紅油抄手，細膩嫩滑皮包住新鮮嘅肉餡，配上香濃辣油，蔥花，好味，午餐仲送豆漿。擔擔麵，麵身煙韌。配上豬骨湯，碎豬肉，蝦米粒，炸菜粒，香蔥，花生，味道濃沃。陽春麵，雖然冇擔擔麵咁多配料，但係麵身夠得煙韌，唔會淋啤啤，加埋紅油抄手同滷牛腱一齊食。自製滷牛腱，呢個係冷盤，牛腱鹵得入味，加埋辣汁，好惹味。在小巷吃過上海菜後，繼續我哋嘅慢活之旅🌿