串酒里 (已結業)

山林道美食林立，今晚又黎到呢度揾食，來到一間叫串酒里嘅串燒店，橫裝唔錯喎。枱上餐具，lego叉幾型 有調味料，唔夠味可加，但我覺得啲串燒已經好好味，不用再加了。先黎個燒露筍，鮮甜多汁。雞泡魚乾，有嚼勁，甜甜地幾正。牛舌，厚燒爽口！鰻魚，皮脆肉嫩，鰻魚肉肥美。安格斯牛柳粒，有點少韌但牛味十足。大啡菇，鮮甜多汁，滆左嘅芝士真係好正。蒜容廣島蠔，勁香！大量蒜容，燒至金黃色，外觀已贏哂。蠔肉大大隻，好肥美！三文魚腩，略乾，多點油脂更好。玉子，甜甜的又軟腍。墨西哥辣燒粟米，辣辣地嘅粟米又幾正喎，粟米本身多汁又甜，加上燒得香口。最後追加左兩支水，餐廳本身主要賣酒，所以無水供應，瓶裝水好似係十蚊一支。串燒店適合飲下酒，食下野，吹下水，享受一個悠閒晚餐呢。