R&B (已結業)

今晚，同朋友去左applegreen其下的R & B (research , Bakery)餐廳食飯。選擇呢間餐廳原因係因為比佢個餐廳名吸引左，夠特別。由於天氣太熱，我一黎就叫左野飲，個名叫ice bar (pineapple Mojito)，睇個名好普通，但原來好好飲好特別，成杯野會有一條冰條係入面，條冰條係用菠蘿果汁整，好新鮮。之後，我地3個人，叫左3道菜。第一道係蒜香松露薯條，呢個薯條醬同出面唔同，係用白蛋黃醬再加蒜加黑松露，所以個味好特別好香。另外佢會再有多兩個醬比你，一個好似係茄汁咁，一個係沙律醬。第二道菜係海苔蜜糖雞翼。佢會將d海苔碎鋪係雞翼上面，再用蜜糖煮。我一食，d海苔多到個口好滿足，好岩鐘意食紫菜的人，再加入少少檸檬汁，酸酸地，好好味。最後一道菜係風乾腸小蝦雞蛋沙律配芝士汁。呢個沙律就有少少普通，可能d沙律好少，又無配生果落去，所以比較乾，感覺一般。