瀧赤料理 (已結業)

上星期已經行過呢間餐廳，有望過餐牌，都覺得啱食，但由於個frd約左食魚湯，所以未試。今個星期試到喇，整體質素唔錯，有下次啊！屯市、新墟食日本料理嘅地方唔算好多，連鎖嘅就真係食到厭，呢間瀧赤料理喺新墟，近住neway，都好易搵，門面細細，差D就錯過。入面位置唔算多，大約十零個，小店一間，枱面都比較細。透明玻璃可見製作過程，入面有三位師傅主理，乾淨企理。我地入座時聞較早，所以未有其他客人，到接近七點就9成滿座，生意都唔錯。以小店而言，選擇都算多，有壽司、刺身、手卷、卷物、炸物、天婦羅、串燒、刺身飯、丼飯、烏冬等，價格合理。講緊例如鰻魚炒飯、黑豚丼、燒牛肉飯都係68-88蚊，性價比高！原條鰻魚壽司 18：推薦呢件鰻魚壽司，7吋長，鰻魚燒到好香，入口肥美，加埋醬汁，好入味，完全無細骨，勁滿足另外點左幾款壽司，玉子壽司、京蔥吞拿魚蓉壽司、火炙鹽燒左口魚邊壽司、火炙鹽燒帶子、火炙汁燒帶子，整體都係好新鮮，喺區內質素唔錯，約十零蚊件，都幾抵食醋酸適中，同飯粒質感就一般般。最後點左瀧赤刺身飯 158，以店名命名，相信都係招牌，呢個飯都幾豐富架，入面有三文魚、牡丹蝦、劍魚腩、八爪魚、帶子、北寄貝、玉子、