更多
2023-10-31
936 浏览
Carprice 5-courses lunch set ($1198/pp)前菜为鸭肝酥配无花果肉酱,鸭肝香而唔骚,食到中间觉得腻可沾无花果酱换一换口味,酥皮唔油偏硬身,配上鸭肝慕丝非常夹第一道菜为兰度豆浓汤伴法国蓝虾泡沫与其话佢系一碗汤,不如话佢味道同口感系一碗未经开水既家乐牌虾味浓汤宝,又杰又咸 ...朋友叫既忌廉洋葱汤相对正常好多,上层好似雪芭既洋葱忌廉同芝士脆片配上热乎乎既洋葱汤,冰火相融,有意外惊喜第二道菜为鳕鱼扒配藏红花汁加蕃茄泥,烹调时间啱啱好,鱼肉质感富有弹性多汁唔老,但略嫌个茄泥side dish 太浓味跟鲜甜既鱼肉唔夹,不过呢啲都系我主观感受,事关朋友意见跟我相反第三道菜为鸽肉配白豆💔实际用咩唔太清楚,侍应上左菜后直接走人无介绍但味道而言必定高潮部分,鸽肉鲜嫩,脂香回味,配汁个肉汁食到唔停口甜品为朱古力香蕉雪芭可能佢想表现新鲜香蕉肉既甜,但显得朱古力雪芭又酸又苦,而底层既香蕉蛋糕有好重精油味,我食左一啖吐返出黎其余餐后甜品亦有酸爆忌廉泡芙同苺挞 仲有正常地好食既普通朱古力作结至于服务方面,我好少会特登开一part黎讲,因为贵为米芝莲fine dine 餐厅服务好同
前菜为鸭肝酥配无花果肉酱,鸭肝香而唔骚,食到中间觉得腻可沾无花果酱换一换口味,酥皮唔油偏硬身,配上鸭肝慕丝非常夹
第一道菜为兰度豆浓汤伴法国蓝虾泡沫
与其话佢系一碗汤,不如话佢味道同口感系一碗未经开水既家乐牌虾味浓汤宝,又杰又咸 ...
朋友叫既忌廉洋葱汤相对正常好多,上层好似雪芭既洋葱忌廉同芝士脆片配上热乎乎既洋葱汤,冰火相融,有意外惊喜
第二道菜为鳕鱼扒配藏红花汁加蕃茄泥,
烹调时间啱啱好,鱼肉质感富有弹性多汁唔老,但略嫌个茄泥side dish 太浓味跟鲜甜既鱼肉唔夹,不过呢啲都系我主观感受,事关朋友意见跟我相反
第三道菜为鸽肉配白豆
💔实际用咩唔太清楚,侍应上左菜后直接走人无介绍
但味道而言必定高潮部分,鸽肉鲜嫩,脂香回味,配汁个肉汁食到唔停口
甜品为朱古力香蕉雪芭
可能佢想表现新鲜香蕉肉既甜,但显得朱古力雪芭又酸又苦,而底层既香蕉蛋糕有好重精油味,我食左一啖吐返出黎
其余餐后甜品亦有酸爆忌廉泡芙同苺挞 仲有正常地好食既普通朱古力作结
至于服务方面,我好少会特登开一part黎讲,因为贵为米芝莲fine dine 餐厅服务好同细心系必须。可能当日我放工book 得好急同著住好颓既放工衫用膳,加上我冇点酒同额外餐,🥵男侍应都对我无好面色,对我呢枱唔瞅唔睬既服务态度同隔离枱既殷勤有好大对比。佢都知我净系对鸽肉有兴趣先够胆弹过黎问呢到啲野好唔好食,而我中途想去洗手间佢竟然直接指我自己去而唔带路,真心呆左,另外埋单时我唔想俾人知我一个女人俾晒成张单,我偷偷地将张卡俾我朋友碌,点知个男侍应劲大声问佢系咪肯定用xxx 小姐张卡俾钱cls, 而且埋单仍然唔送客。贵为3星米芝莲餐厅原来d 侍应系咁白鸽眼,真心刷新我认知😅
食物 3.7/5
环境 4/5
卫生 4/5
服务 2.5/5
抵食 3/5
张贴