鱈卵屋 (已結業)

明太子相信好多人都食過，但如果有個地方，圍繞住明太子做出各種料理，又去過未？大大Bar枱下面，更有明太子食材同小食出售，如果在家中飲杯酒，作為下酒菜都係一個好選擇。餐牌上大部分菜式都有明太子出現，稱為專門店名呼其實！鬆軟明太子上灌湯蛋卷濃厚蛋香味之外，配合明太子微微鹹的鮮味，兩者配合好出色，而且柔軟外皮下包裹住少少脆身魚子，口感一流！鱈卵碗係餐廳比較出名既菜式，當然要點啦，每碗都固定有明太子、鬆軟蛋絲同爽脆荀粒，口感上已經層次豐富，中間材料可自行選配。而且餐牌上有教學，跟隨步驟可以享用到3種唔同風格既鱈卵碗，除左原味，重可以加入增香配料(蔥、紫菜、黑和白芝麻、芥末、香草)，更可加入上湯作茶漬飯，做法非常好！今次選左呑拿魚拼三文魚子，呑拿魚夠新鮮一啲都唔腥，而且有三文魚子鮮甜味道，令整個飯更美味！個人推薦原味！起初只諗住叫一個飯試試，但食過翻尋味，忍唔住再叫多個三文魚拼油甘魚，今次有2種唔同魚肉加入，令口感更多層次，個人中意加入少量芥末同黑白芝麻，味道加香之餘口感進一步提升！飲品方面無酒精西班牙，果汁雞尾酒裏頭有多款生果，飲一口果汁，食一粒果肉，口中充滿果香味。