炊豕店 (加路連山道) (已結業)

今日同朋友做完運動，諗住係附近搵間好野食，見Openrice呢間咁多好評，就特意黎食。黎到原來店鋪好細，目測只有大約20個位，由於放工時間，我地都等左45分鐘先入到去，其實我地都諗住放棄，但見咁多推介，就想試下。

我地叫左佢呢間最出名既蔥油豬扒撈幼麵，見塊豬扒大大塊 睇落好似好正，食落先知中伏！豬扒係大塊，但炸既部分肉多一倍！而且越食越油，簡直好似食緊垃圾！我地食到一半就離場，食完個胃有點不舒服枉佢話自己豬扒有幾好食，我唔明點解仲可以有咁多人黎幫襯同埋寫咁多好評！隔離新開果間應該仲好食過佢！雖然我知市道唔好，但可否唔好做衰自己，我好少劣評，但今次真係忍唔住！

1