尋魚記 (已結業)

屯門V city嘅食肆都幾多元化, 尋魚記是京川滬菜館, 主打鮮魚美食, 地方很闊落。黃金大蝦球 餐點放在枱面, 已經聞到蛋黃嘅鹹香味, 金黃色嘅大蝦球炸粉薄脆, 蝦肉爽脆彈牙, 散發著陣陣鹹香, 酥脆可口。松子大黃魚 酸酸甜甜嘅醬汁夠曬醒胃, 魚肉和魚骨都炸得酥脆, 魚肉保持嫩滑多汁, 加上香口嘅松子, 相當美味。水晶肴肉 賣相晶瑩剔透, 外層膠質豐富, 肴肉香滑, 不鹹不膩, 令人回味嘅冷盤。 黃金炒飯 炒飯好有鑊氣, 飯粒乾爽又金黃, 唔會話油淋淋, 唔覺唔覺又食多碗。 紅糖糍粑 熱辣辣香脆可口, 糍粑煙韌綿滑, 紅糖餡料不會太甜, 好可口嘅甜品。