No.9 Bistro (已結業)

上星期五下午同Madam去咗觀塘開會，一開就３個鐘，落樓都４點鬆Ｄ，冇理由走番入沙田返公司，同Madam嚟過眼神交流就決定蛇一蛇，自動下班！但由於肚餓，２個人就鐘咗上這間樓上餐廳食個tea set先。餐廳唔係好大間，下午茶時段都只是有３、４枱食客，幾清靜。睇睇餐牌，下午茶餐既選擇都好多喎，有成２０幾款。Madam點咗 ”熔芝士吞拿魚三文治” 而我就點咗 “蝦多士”。我一心以為這是普普通通一份三文治，點知大不同，首先係圓形既，底層既麵包唔厚，最上層是芝士，焗過既芝士好香，中間是一層厚厚既吞拿魚溶，切開時吞拿魚溶湧出嚟。若是吞拿魚fans就真係開心死啦，份量十足。我份 “蝦多士” 是有原隻鮮蝦放面，麵包脆蝦肉彈，！！而且蝦多士也差不多在餐廳絕跡了，食到真開心。兩個茶餐加埋都是$80，同大NaNa差唔多價錢，但係又有Ｄ特色，環境又唔錯，是中午蛇一蛇既好地方，我好羨慕觀塘返工既朋友，你地有個咁好的蛇竇。