影片
更多
2017-03-22
376 浏览
餐廳嘅裝潢有啲回到秦朝嘅感覺，另外呢度竟然有做埋火鍋外賣，仲要送埋上門添，下次想喺屋企打邊爐又懶買餸嘅話可以試試。調味料足足有成九款，包括豉油，醋，麻醬，xo醬，腐乳醬，芫茜，蔥花，辣椒同埋一個蒜蓉汁，鍾意蒜頭嘅我都係覺得啲蒜頭要原粒食，個口先至夠臭。冬瓜檸檬沙冰，個味道有少少似台灣夜市入面嗰啲冬瓜茶，不過再隱隱咁樣滲出淡淡嘅檸檬味，冬瓜茶嘅甜，加上檸檬嘅微酸，實在令我開哂個胃，我覺得啲沙冰位嘅甜度啱啱好，沉底溶咗嗰啲冬瓜茶就略覺甜咗少少。湯底揀咗蜂巢豆腐白湯鍋，豬骨湯極度奶白，藥材泛於湯面，白湯入面仲有原條人參，夠哂滋補養顏，夾埋入哂味嘅蜂巢豆腐，我開始打邊爐之前已經忍唔住飲左三碗。極品安格斯肥牛，嘩，個賣相好靚啊，淨係個賣相都經已殺哂，旁邊個白色小碟仲有啲煙霧滲出嚟，真係充滿詩意，安格斯油脂豐富，油花分佈均勻，入口牛味濃郁，塊塊都好新鮮。美國桶蠔，隻隻都有成隻手板咁大，入口蠔味濃郁，唔駛點任何醬汁都得，單單食嗰份蠔味經已夠哂滿足。即炸三秒響鈴卷配甜酸醬，由於有個甜酸醬喺度嘅關係，我下意識將佢直接點個醬就擺入口，一入口脆卜卜之餘仲要係暖暖地㗎，讚。四寶餃餃拼盤，有水餃，雲吞，魚皮餃同
餐廳嘅裝潢有啲回到秦朝嘅感覺，另外呢度竟然有做埋火鍋外賣，仲要送埋上門添，下次想喺屋企打邊爐又懶買餸嘅話可以試試。
調味料足足有成九款，包括豉油，醋，麻醬，xo醬，腐乳醬，芫茜，蔥花，辣椒同埋一個蒜蓉汁，鍾意蒜頭嘅我都係覺得啲蒜頭要原粒食，個口先至夠臭。冬瓜檸檬沙冰，個味道有少少似台灣夜市入面嗰啲冬瓜茶，不過再隱隱咁樣滲出淡淡嘅檸檬味，冬瓜茶嘅甜，加上檸檬嘅微酸，實在令我開哂個胃，我覺得啲沙冰位嘅甜度啱啱好，沉底溶咗嗰啲冬瓜茶就略覺甜咗少少。
湯底揀咗蜂巢豆腐白湯鍋，豬骨湯極度奶白，藥材泛於湯面，白湯入面仲有原條人參，夠哂滋補養顏，夾埋入哂味嘅蜂巢豆腐，我開始打邊爐之前已經忍唔住飲左三碗。
極品安格斯肥牛，嘩，個賣相好靚啊，淨係個賣相都經已殺哂，旁邊個白色小碟仲有啲煙霧滲出嚟，真係充滿詩意，安格斯油脂豐富，油花分佈均勻，入口牛味濃郁，塊塊都好新鮮。
美國桶蠔，隻隻都有成隻手板咁大，入口蠔味濃郁，唔駛點任何醬汁都得，單單食嗰份蠔味經已夠哂滿足。
即炸三秒響鈴卷配甜酸醬，由於有個甜酸醬喺度嘅關係，我下意識將佢直接點個醬就擺入口，一入口脆卜卜之餘仲要係暖暖地㗎，讚。
四寶餃餃拼盤，有水餃，雲吞，魚皮餃同韮菜餃每樣兩隻，一次過就滿足哂幾個願望，粒粒餃餃都脹卜卜好飽滿，咬開就見到裏面勁足料，正。
五彩鮮蔬藍，分別有娃娃菜，菜心苗，蕃茄，粟米同埋黑木耳，每款蔬菜都用料新鮮，仲要只係78蚊就有齊五款蔬菜，認真抵食。沙巴龍躉斑，呢個賣相都好精美，而且盡顯廚師刀工，將條魚片到咁靚，沙巴躉相當新鮮，口感嫩滑，細味彈牙。
而最尾嘅呢一個腐竹糖水沙冰清爽潤喉，真係啖啖都有濃郁嘅腐竹糖水味架，仲要不另收費，而個盛器更加係經典啊，隔離枱嘅娘娘攞住嚟 selfie 出糧不特只，身邊啲女女仲猛咁嗌官人我仲要添。
张贴
