影片
更多
2023-05-14
2806 浏览
聽過龍華酒店呢個名好耐，講咗想黎咁耐終於去到。係IG打卡先至知有好多人對呢間餐廳都有興趣，仲有人叫話不如係度搞下局，其實都可以，因為真係幾抵食。四個人過嚟， Menu太過多選擇，唔知點叫好，於是簡單叫了個四位套餐。聽人講呢度除咗乳鴿好出名之外，仲有咕嚕肉，豉油王炒麵，雞粥都話好好，不過花多眼亂，真係好難揀，於是就向套餐埋手，唔使諗咁多。個套餐其實都真係幾多嘢食，我哋衰貪心，因為好想食嗰個連李小龍都好鍾意食嘅乾炒牛河，於是基本上成個餐都食唔晒，咁嘅陣容都係$1188。龍華紅燒鴿四隻紅燒花膠海皇翅喜慶洋洋灼海蝦沙田風味豉椒蜆上湯郊外時蔬鮮菇鮑汁伊麵龍華紅燒鴿的確係名物，咁大隻嘅乳鴿，上場一刻已經嚇親唔少人，皮脆肉質呈粉紅的嫩，講真，單點$98係超值。紅燒花膠海皇翅，喜慶洋洋灼海蝦同沙田風味豉椒蜆都係舊風味，前者以前細個飲宴成日都有，還不錯，後者兩個海鮮相對有少少遜色，唔知點解會令人諗起長洲嘅海鮮檔，不過海蝦勁大隻，喺休漁期都有呢啲貨色又唔貴，你就知餐廳係相宜。鮮菇鮑汁伊麵出奇地好，上湯郊外時蔬就係BAU的水準，不過咁多嘢食，呢個四人餐都真係幾平。李小龍乾炒牛河的確係炒得幾好，唯獨是牛肉就比
聽過龍華酒店呢個名好耐，講咗想黎咁耐終於去到。
係IG打卡先至知有好多人對呢間餐廳都有興趣，仲有人叫話不如係度搞下局，其實都可以，因為真係幾抵食。
四個人過嚟， Menu太過多選擇，唔知點叫好，於是簡單叫了個四位套餐。
聽人講呢度除咗乳鴿好出名之外，仲有咕嚕肉，豉油王炒麵，雞粥都話好好，不過花多眼亂，真係好難揀，於是就向套餐埋手，唔使諗咁多。
個套餐其實都真係幾多嘢食，我哋衰貪心，因為好想食嗰個連李小龍都好鍾意食嘅乾炒牛河，於是基本上成個餐都食唔晒，咁嘅陣容都係$1188。
龍華紅燒鴿四隻
紅燒花膠海皇翅
喜慶洋洋灼海蝦
沙田風味豉椒蜆
上湯郊外時蔬
鮮菇鮑汁伊麵
龍華紅燒鴿的確係名物，咁大隻嘅乳鴿，上場一刻已經嚇親唔少人，皮脆肉質呈粉紅的嫩，講真，單點$98係超值。
紅燒花膠海皇翅，喜慶洋洋灼海蝦同沙田風味豉椒蜆都係舊風味，前者以前細個飲宴成日都有，還不錯，後者兩個海鮮相對有少少遜色，唔知點解會令人諗起長洲嘅海鮮檔，不過海蝦勁大隻，喺休漁期都有呢啲貨色又唔貴，你就知餐廳係相宜。
鮮菇鮑汁伊麵出奇地好，上湯郊外時蔬就係BAU的水準，不過咁多嘢食，呢個四人餐都真係幾平。
李小龍乾炒牛河的確係炒得幾好，唯獨是牛肉就比較乾身同有啲乾，而且價錢相對上貴，不過論炒嘢嘅功力，都可以接受嘅。
呢間餐廳舊式得來都幾有獵奇色彩，又有孔雀睇又有鸚鵡觀賞，大紅燈籠高高掛嘅色彩氣氛，你有冇想起《買兇拍人》嘅雙槍洪？
张贴
