水準都仲keep到
店員好有禮貌好親切
睇得出好有活力
多咗好多以前喺南亭未食過嘅串燒
就好似燒墨魚香腸
每粒都有真材實料嘅墨魚粒
所以特別鮮味
首先嚟咗一份生熟小牛排
真係好好食
外面燒到微熟內裡生生的
醬汁配搭得好好
蘆筍豬肉卷
蘆筍唔會燒到乾晒
外層豬肉烤到焦香
食落鮮嫩多汁
牛舌兩面都焦香
但我覺得如果再厚啲口感更佳
肉味濃郁有彈牙感
串燒鵝肝我每次都會叫
鵝肝外層加上薄薄脆粉
可惜識朋友嗰份佢覺得有少少苦苦地
我嗰份就好好味所以分咗一半俾佢
燒豆腐
外層有臭豆腐口感
外層加上醬汁及木魚碎
提升鮮味
所以我一口氣食晒兩件
燒雞翼當然必叫啦
南亭嘅王牌就係將外層燒到脆卜卜金黃色
但裏面嘅肉質仲係好嫩嘅
月見免治軟骨雞肉棒
每次食燒烤都必叫的一款
因為我就是喜歡用醬油及生雞蛋配雞肉吃
外層有炭燒味內層有雞軟骨咬口
燒飯團
有成三款口味
我就叫咗三文魚味
外層每一粒飯都燒到超級脆
想飽肚一定要叫飯團
燒芝士年糕
我會當佢係甜品咁成為一餐嘅終結
啱啱燒出嚟熱辣辣
用紫菜包住都熱到想用筷子夾
年糕嘅Q彈感再加熔岩般嘅芝士
超好味
飲品方面我又覺得價錢算平
而且梳打味道不會太甜
