蟹仙海鮮蒸氣鍋 (龍崗道)

营业中

休息中

跟老友興生， 點可以馬虎，知佢喜歡食海鮮，一早就訂定位於九龍城呢間#蟹仙海鮮蒸氣鍋，大家擦番餐靚野☺️。🦞尊貴海鮮套餐，極豪華豐富，店員都會幫忙放落去蒸，較定鬧鐘，我哋就邊吹水邊等食。蒸大赤蝦，超爽口彈牙，非常之喜歡的食物。貝殼類有韓國斧山珍珠蠔，好重蠔味又creamy，大西洋野生青口，唔係雪藏野，咬落好柔軟，韓國大元貝好鮮甜，台灣九孔鮑魚，己起了殼方便食用，蒸得熟度剛剛好，點了些豉油同辣椒🌶️更惹味。澳洲青年龍蝦, 龍蝦🦞肉質鮮甜又多膏食，店員話食完可以把蝦頭放埋入粥底度，增加鮮味，我哋當然照辦。奄仔膏蟹同饅頭蟹，啱晒喜歡食蟹的老友，蟹🦀️膏很多，味道超鮮甜，蟹肉質地肥美可口，唔便點任何醬汁，可食出佢嘅鮮味。有機蔬菜籃， 蒸菜有生菜、娃娃菜同埋粟米，都唔錯啊最健康的食法。食到飽晒但都要食番碗粥至得，粥底有芋頭、粟米同肉排，加埋蒸完海鮮嘅汁融入，味道香且鮮甜。最後食埋椰汁燉官燕滋潤下，官燕足料，椰汁味濃郁，超級正。