海皇漁港

营业中

休息中

难得放假，同最爱姨甥女去食饭，问姨甥女想食咩…话想食龙虾伊面，咁我地去左海王渔港食饭近屋企，我地3个人去到，同姨甥女睇鱼缸拣做紧优惠$198/斤西澳龙虾，2斤几，然后伊面加$68，芝士再另加$100，小朋友喜欢食便照加。先黎左个叫花胶腐皮豆腐煲$148，个煲打开盖香喷喷，花胶腐皮豆腐冬菇都煮得入味，唯独个 类似秀珍菇类酸左坏左，我见我地食左一半，费时叫人换，祗好夹起菇类没吃。然后到左蓝瓜子斑鱼$168／1斤，条鱼蒸得刚好，很滑，点埋豉油好味，条鱼唔多骨，小朋友都食得开心。小朋友最盼望的龙虾伊面到左，但黎左个乌冬底，小朋友见到唔开心，因为佢唔喜欢乌冬，同原来一心系黎食芝士伊面，个经理知道错左都即时免左个伊面费用，但小朋友难免会失落，我又唔想食餐饭去理论点解唔换俾我，小朋友又唔食，最后将𠮶2斤几龙虾外卖带走，埋单$918，这间食物质素其实几好，可惜错单。