人和荳品廠 (已搬遷) 新店位置

今日同屋企人去維園睇花卉展覽，去之前專登過黎食豆腐。雖然店鋪細細但座無虛席，餐牌只得一張，前後兩頁，分成豆腐花、豆漿、小食三類，價錢相當親民！🥢魚肉煎豆腐招牌菜必叫基本上枱枱都會有一碟，即叫即整，新鮮熱辣，師父煎到無停手，兩邊煎到金黃色， 豆腐唔係滑身個隻，口感札實，唔會一夾就散，加上豆瓣醬更加完美，$16 4件真係好抵食🥢豉油王炒麵炒得乾爽入味，完全無油膩感，無論炒米粉定炒麵我都會加埋甜醬一齊食，簡簡單單已經好滿足！香港的小店已經越來越少喇，何況仲要喺租金昂貴的銅鑼灣區，人和荳品絕對係價廉物美的小店