Freshness Burger (已結業)

繼前晚去完Shake'em Buns之後，愛極漢堡包嘅我終於要去試呢間新開冇耐嘅Freshness Burger喇．由海運正門行入去，果然很幾遠去到最尾先至去到，星期日晚上７：００，已經爆哂啦，我同老公醒，老公排隊買野食，我就搵位，結果冇耐就搵到位兼買到野食．提醒各位如果未搵到位而已經排完買野嘅，記住ｄ野要ｔａｋｅ　ａｗａｙ呀，如果唔係攞住個盤但係冇位坐都唔知點好．我地每人要左一個CLASSIC DOUBLE DOUBLE BURGER，本來諗住要餐架，但係佢ｄ餐一定要配薯角，飲野又規定飲汽水或者湯，我地唯有散叫，另外再叫多客ONION RING，老公要多個FISH BURGER．本來我地想試下南瓜奶茶，個職員話賣哂，我地唯有飲抹茶奶茶．點知後尾有個應該係負責廚房嘅同我地講，話佢地根本就未有得賣南瓜奶茶，因為佢地都未準備去整呢款飲品，唔知其他食家有冇飲過呢？佢仲話俾我地聽個ＣＥＯ即場監視緊添．Ｄ食物幾好味架，唔漏，好ｊｕｉｃｙ，而且比起ｔｒｉｐｌｅ－ｏ同ｋｉｎｇ抵食，廿零蚊都可以食到佢嘅包喇，使鬼食雙層芝士孖堡同雙層魚柳包咩！不過有ｄ唔滿意，竟然有個自由行嘅旅行社，個白痴領隊居然安排團