影片
更多
2022-03-06
100 浏览
平日喺街上碰到好耐冇見嘅朋友，好多時都會稍作寒暄，然係用「得閒飲茶」呢句說話作結，意思就係約時間出嚟再見下面、敍敍舊。最近就畀我喺將軍澳海旁 Monterey Place 搵到間以《得閒飲茶》諧音：「DHYC」命名嘅新派點心館。據說餐廳係喺香港有超過 60 年歷史嘅粵菜老字號「益新美食館」嘅新副線，裝潢走文青簡約路線，座位闊落舒服，加上坐擁 180 度無敵靚海景，邊食邊欣賞，真係令人心曠神怡！先開茶再慢慢嘆點心，好耐冇飲過普洱，原來呢度嘅陳皮普洱 ($15/位) 好正，入口熱辣辣，柔順不澀，香味濃郁，帶陳皮甘甜。窩貼蝦多士 ($68)：多士炸得好香脆，蝦肉鮮甜，蘸點雜果沙律醬，係正宗懷舊嘅食法，不過如果唔鍾意沙律醬嘅話，亦可以改點喼汁，同樣香口美味。蘿蔔絲酥餅 ($42)：外層嘅酥皮做得很不錯，夠鬆化又唔油膩，入面包裹住滿滿嘅蘿蔔絲，份量十足，入口鮮爽香甜。手打墨魚餅 ($42)：墨魚餅用新鮮墨魚炮製，外形好飽滿，肉質爽彈，而且咬落去仲食到小量墨魚粒，味道很鮮甜。美極炒雜菌 ($68)：啲雜菌炒得啱啱好，用咗美極醬油嚟炒，食落非常香口，帶陣陣菌香，夠晒惹味。蝦餃 ($42)：蝦餃脹卜卜
最近就畀我喺將軍澳海旁 Monterey Place 搵到間以《得閒飲茶》諧音：「DHYC」命名嘅新派點心館。
據說餐廳係喺香港有超過 60 年歷史嘅粵菜老字號「益新美食館」嘅新副線，裝潢走文青簡約路線，座位闊落舒服，加上坐擁 180 度無敵靚海景，邊食邊欣賞，真係令人心曠神怡！
先開茶再慢慢嘆點心，好耐冇飲過普洱，原來呢度嘅陳皮普洱 ($15/位) 好正，入口熱辣辣，柔順不澀，香味濃郁，帶陳皮甘甜。
窩貼蝦多士 ($68)：多士炸得好香脆，蝦肉鮮甜，蘸點雜果沙律醬，係正宗懷舊嘅食法，不過如果唔鍾意沙律醬嘅話，亦可以改點喼汁，同樣香口美味。
蘿蔔絲酥餅 ($42)：外層嘅酥皮做得很不錯，夠鬆化又唔油膩，入面包裹住滿滿嘅蘿蔔絲，份量十足，入口鮮爽香甜。
手打墨魚餅 ($42)：墨魚餅用新鮮墨魚炮製，外形好飽滿，肉質爽彈，而且咬落去仲食到小量墨魚粒，味道很鮮甜。
美極炒雜菌 ($68)：啲雜菌炒得啱啱好，用咗美極醬油嚟炒，食落非常香口，帶陣陣菌香，夠晒惹味。
蝦餃 ($42)：蝦餃脹卜卜，外皮晶瑩剔透，薄而均勻，咬落啖啖都有彈牙嘅蝦肉！
燒賣 ($42)：燒賣同樣有水準，豬肉打得好鬆化，蝦肉鮮爽，配以蟹籽，吃起嚟爽脆彈牙。
懷舊灌湯餃 ($68)：一籠有兩大隻，餃皮食落煙煙韌韌，入面包住用雞骨熬成嘅香甜雞湯、蟹肉同蝦肉等，跟餃皮同食，湯鮮餡靚，口感甚佳。
另外呢客松露雜菌餃 ($48) 亦好值得推介，一入口松露香便即時湧出，口感很豐富。
星洲炒米 ($108)：米粉條條色澤金黃，入口啖啖咖哩香，配料有蝦仁、叉燒、蛋絲、洋蔥等，用料十足，色香味俱全！
蛋散 ($38)：蛋散卜卜脆，夠鬆化又唔黏牙，入口甜而不膩，蛋香十足。
张贴
