咖啡灣 (已結業)

同友人約了去將軍澳行街，想買點特色生日禮物比阿媽，當然要找個朋友仔幫吓眼啦，行到腳都累，就在新都城二期找個地方坐下，食個午餐再行過，剛見有間咖啡灣，地方又光猛，就入去試一下。首先點了一個海蝦蟹子沙律，可自選醬汁（凱撒醬/芝麻醬/黑醋醬）我哋要了凱撒醬，沙律份量充足，沙律菜上滿佈蟹子，蟹子卜卜脆好新鮮，而海蝦大大隻，大約有5、6隻，可口彈牙，仲有車厘茄、脆麵包粒同煙肉乾粒，配上凱撒醬，非常清新，健康之選。主餐點了卡邦尼蛋汁意大利麵，卡邦尼汁配上蛋汁增加了意粉的香滑度，而意大利麵煮嘅時間剛剛好，軟滑彈牙，有洋蔥粒及煙肉粒，配上香草及新鮮白磨菇，令口感好豐富。飲品點了鮮果草莓水果茶，先講賣相，真係好靚好靚，用咗草莓紅色的蠟燭座，襯上全透明的玻璃茶壺及玻璃杯，而精緻的小杯子裹放上一粒草莓，配上水果茶裹的草莓、藍梅、提子及用上TWININGS的茶包，暖暖的好好飲，非常正。另一飲品試了每月新品推介恐龍美綠，呢個係凍飲，美綠真係童年回憶的一部份，加上有忌廉奶打成的泡漿在面，再灑上濃濃的美綠粉，真是大滿足。小食試了U.F.O.小食拼盤，有炸薯條🍟夠粗夠大條，炸魷魚圈好軟熟，外皮酥脆，中央放有黑醋汁沙律