影片
更多
2023-12-23
172 浏览
DHYC Dimsum Restaurant今次要介紹一間望住海景開喺將軍澳嘅點心餐廳， 冬天嚟呢度食點心感覺非常寒冷，下次都係要秋天嚟就最好，食住點心望住海景感覺非常好，而且輪椅人士入去食野都非常方便，餐廳算闊落，枱同椅可以移動，亦都係一間寵物友善餐廳！1.窩貼蝦多士（5件）$88（10/10）蝦多士炸得好金黃，蝦肉鮮甜彈牙，加埋沙律醬就仲好食！2.蒜蓉粉絲蒸鮮魷$48（9.5/10）魷魚爽口彈牙，整體魷魚大約有7舊，粉絲索哂蒜蓉汁，唔錯！3.蝦餃$42（10/10）呢個蝦餃皮薄蝦爽，好少見一隻蝦餃都有2隻蝦仁，一共有3隻蝦餃，超正！4.焗叉燒包$38（9/10）焗叉燒包新鮮焗起，咬落熱辣辣，包外皮似菠蘿包，叉燒算多唔算肥，麵包鬆軟，好味！5.蘿蔔絲酥餅（3件）$42（10/10）呢個蘿蔔絲酥餅好酥化，唔似好似出面酒樓咁食緊厚厚嘅粉，入面仲有好飽滿嘅蘿蔔絲，口感軟綿！6.鵪鶉蛋松露燒賣$55（9.5/10）呢個鵪鶉蛋燒賣鵪鶉蛋唔喺上面，鵪鶉蛋喺入面，上面反而係松露，咬落彈牙飽滿，仲有松露香！7.柱侯金錢肚$45（9/10）呢個金錢肚唔韌，整得幾淋，一共有4舊金錢肚，同3條蘿蔔！8.茶
今次要介紹一間望住海景開喺將軍澳嘅點心餐廳， 冬天嚟呢度食點心感覺非常寒冷，下次都係要秋天嚟就最好，食住點心望住海景感覺非常好，而且輪椅人士入去食野都非常方便，餐廳算闊落，枱同椅可以移動，亦都係一間寵物友善餐廳！
1.窩貼蝦多士（5件）$88（10/10）
蝦多士炸得好金黃，蝦肉鮮甜彈牙，加埋沙律醬就仲好食！
2.蒜蓉粉絲蒸鮮魷$48（9.5/10）
魷魚爽口彈牙，整體魷魚大約有7舊，粉絲索哂蒜蓉汁，唔錯！
3.蝦餃$42（10/10）
呢個蝦餃皮薄蝦爽，好少見一隻蝦餃都有2隻蝦仁，一共有3隻蝦餃，超正！
4.焗叉燒包$38（9/10）
焗叉燒包新鮮焗起，咬落熱辣辣，包外皮似菠蘿包，叉燒算多唔算肥，麵包鬆軟，好味！
5.蘿蔔絲酥餅（3件）$42（10/10）
呢個蘿蔔絲酥餅好酥化，唔似好似出面酒樓咁食緊厚厚嘅粉，入面仲有好飽滿嘅蘿蔔絲，口感軟綿！
6.鵪鶉蛋松露燒賣$55（9.5/10）
呢個鵪鶉蛋燒賣鵪鶉蛋唔喺上面，鵪鶉蛋喺入面，上面反而係松露，咬落彈牙飽滿，仲有松露香！
7.柱侯金錢肚$45（9/10）
呢個金錢肚唔韌，整得幾淋，一共有4舊金錢肚，同3條蘿蔔！
8.茶位$15一位（10/10）
店員介紹我飲「人參烏龍」，佢話呢個茶係呢度最多叫，而且最抵飲。又真係喎，飲落香濃得嚟，又喺口腔回甘勁耐，值得介紹比大家飲！
2人總共價錢$427，有加一服務費！
個人口味總評分：9.5/10
@dhyc_dimsumhk
地址：將軍澳澳南海岸唐俊街23號MONTEREY Place 1樓2A號舖
#DHYC #點心 #dimsum #將軍澳 #將軍澳好去處 #將軍澳美食 #香港美食 #hkfoodie #hkfoodblogger #hkfoodpic #hkfoods #hkfoodshare #dessert #hkdessertshop #food #hkfoodstagram #hkfoodpic #hkigfood #foodiehk #yummy #delicious #foodie #hkfoodieblogger #hkfoodies #wheelchaireatinhongkong
张贴
