影片
更多
2022-03-29
170 浏览
呢兩個月weekdays 日日宅喺屋企悶到發慌，weekend當然要把握機會去遠啲搵食🤣 將軍澳海濱愈開愈多餐廳，環境舒服，好多都係pet-friendly🦮，假期好多人會揸車入嚟食飯散步🙆🏻♀️今次嚟試呢間新開嘅點心店— DHYC得閒飲茶😂 見唔少人推介餐廳嘅懷舊點心，出面唔多酒樓會做㗎，包括蝦多士、墨魚餅😝 為食妹間唔中就會飲茶癮起，呢啲新派點心店份量適合兩個人食，情侶拍拖都可以叫多幾款點心試👫我哋2點幾去到都有幾枱客等緊，但係餐廳入面其實有唔少空位，不過得2個樓面做又冇人執枱，所以等候時間較長🙈 希望疫情緩和後會增加人手，服務可以做得更好🤔~~~~▫️窩貼蝦多士($68) ⭐️8/10蝦多士呢啲懷舊點心唔係好多地方有得食，一見有就當然要試啦😍一碟有4件，價錢尚算合理. 蝦多士炸得香脆，食落又唔覺太油👍🏻 蝦膠足料彈牙，鋪滿成件小多士，再點埋懷舊沙律醬，出色嘅傳統美味☺️.▫️XO醬炒蘿蔔糕 ($88) ⭐️8/10XO醬係呢到嘅名物，可以一樽樽買走，超香口惹味，又唔會太辣👍🏻 粒粒蘿蔔糕外脆內軟，表皮煎至金黃色，熱辣辣上枱即刻有陣陣XO醬香，重口味之選😋.▫️手打墨魚餅 ($42) ⭐️8.5
今次嚟試呢間新開嘅點心店— DHYC得閒飲茶😂 見唔少人推介餐廳嘅懷舊點心，出面唔多酒樓會做㗎，包括蝦多士、墨魚餅😝 為食妹間唔中就會飲茶癮起，呢啲新派點心店份量適合兩個人食，情侶拍拖都可以叫多幾款點心試👫
我哋2點幾去到都有幾枱客等緊，但係餐廳入面其實有唔少空位，不過得2個樓面做又冇人執枱，所以等候時間較長🙈 希望疫情緩和後會增加人手，服務可以做得更好🤔
~~~~
▫️窩貼蝦多士($68) ⭐️8/10
蝦多士呢啲懷舊點心唔係好多地方有得食，一見有就當然要試啦😍一碟有4件，價錢尚算合理. 蝦多士炸得香脆，食落又唔覺太油👍🏻 蝦膠足料彈牙，鋪滿成件小多士，再點埋懷舊沙律醬，出色嘅傳統美味☺️
.
▫️XO醬炒蘿蔔糕 ($88) ⭐️8/10
XO醬係呢到嘅名物，可以一樽樽買走，超香口惹味，又唔會太辣👍🏻 粒粒蘿蔔糕外脆內軟，表皮煎至金黃色，熱辣辣上枱即刻有陣陣XO醬香，重口味之選😋
.
▫️手打墨魚餅 ($42) ⭐️8.5/10
墨魚餅十分出色❗️1碟有3大件，煎得金黃香脆，皮薄足料，食到粒粒墨魚，彈牙有咬口，好滿足🥳
.
▫️懷舊灌湯餃 ($68）⭐️7.5/10
呢隻灌湯餃做法正宗，跟足傳統煮法，餃包住湯二合為一咁去蒸😆店員提醒我哋必須要趁熱食，用小鋼托將灌湯餃放入碗，加入浙醋，拮穿個餃就食得🤣 餃皮綿軟，上湯清甜，餡料都幾足架，有蝦、豬肉等等，間唔中回味呢啲懷舊味道真係唔錯😙
.
▫️鮮蝦脆米網腸粉 ($48）⭐️8/10
呢份腸粉有啲似炸兩，但係入面就包住越式鮮蝦米網春卷🍤 腸粉皮軟糯，米網春卷香脆，啖啖蝦肉，口感豐富🤤
.
呢間點心店食物高質，茶都好出色🤩 我哋加錢要咗人蔘烏龍 (+$15位)，好有驚喜，入口首先有烏龍茶香🫖，之後慢慢回甘，泛出淡淡人蔘味，飲落好清甜，正😍 期待下次再返嚟encore，推介大家得閒去試下😚
.
💟回頭指數：8/10
张贴
