喜牛蘭州牛肉麵 (MONTEREY Place)

营业中

休息中

行完將軍澳海旁，今晚落雨，好彩去到商場，呢度原來除咗有日本超市之外，下面仲有食肆，所以我哋在呢間商場食。睇咗Menu，性價比高， 60幾蚊就可以有個麵，大大碗，非常之飽肚。牛肉麵是牛腱，切得非常靚，肉同筋非常分明，又有得揀刀削麵，又會有得揀細面，辣度都可以自己揀，非常多選擇。跟餐飲品一定要試吓佢嘅手打檸檬茶，見到真係水吧即刻手打，我們一個叫了茉莉檸檬綠茶，一個叫咗話梅檸檬茶。檸檬茶大大杯，非常解渴，建議選擇小糖少冰，因為檸檬味十足。伴碟小菜都一定要試吓，因為它是自家製的木耳及泡椒蘿蔔。木耳唔辣，非常爽脆。泡椒蘿蔔望落去好似唔辣，但係後勁的辣味滲出來。總括而言，環境坐得舒服，尤其鍾意冷氣十足，仲可以行完海旁之後唔一定食西餐Cafe，食返呢啲中式嘢，夠晒飽肚。