每枱設有陳皮普洱茶，甘甜唔澀，配搭多款傳統點心可解膩
懷舊灌湯餃 $34 係最傳統嘅做法，大大隻餃入面包住豬皮精華，食落有啲似雪燕口感；非坊間湯浸餃做法，油脂更加齒頰留香
蘿蔔絲酥餅 $42 同 焗叉燒包 $38 都係皮酥足餡
窩貼蝦多士 $88 可算係招牌菜式，長條形多士炸得金黃但食落唔油，配上沙律醬酸酸地更清新
蒜蓉粉絲蒸鮮魷 $48 份量算幾多，大大件爽口彈牙，蒜蓉惹味帶微微辣，粉絲索晒汁都好香
蟹肉大良炒鮮奶 $148 又一個招牌菜唔係度度有，炒得挺身同時好軟滑，同菇同煙肉一齊炒口感更豐富亦好鹹香，點醋或就咁食都係冇得輸！
