浜燒太郎 (已結業)

今晚肥妹仔去咗將軍澳嘅一個商場食日本菜，個位置都幾難搵，不過入到去原來都坐滿曬，應該都有d料到。肥妹仔叫咗幾串串燒，包括燒雞皮，露筍豬肉。佢嘅燒雞皮燒到非常乾身，一啲油膩嘅感覺都冇。露筍豬肉就好香油脂味，咬落去啖啖肉，露筍好嫩滑，爽口。另外肥妹仔仲叫咗炸白飯魚，佢嘅炸白飯魚唔係平時食開嗰隻，而係本身係好薄好薄嘅一片，好似薯片咁，攞嚟送酒真係一流。肥妹仔仲叫咗鰻魚壽司，鵝肝壽司，三文魚壽司嚟試，下佢嘅壽司水準都算唔錯，鵝肝同埋鰻魚都好大塊。另外仲叫咗一個甲羅燒同埋燒魷，魚甲羅燒入面嘅蟹膏超級濃郁，攞嚟撈飯就一流。而佢嘅魷魚好新鮮爽口彈牙，值得一試。