得閒飲茶 (MONTEREY Place)

营业中

休息中

今日同朋友去咗將軍澳南岸一間叫「DHYC Dimsum Restaurant」餐廳食點心，見到個餐廳名都知道呢間唔係傳統茶樓，而係新派嘅點心餐廳，茶壺都係採用咗最近流行嘅玻璃隔熱壺，唔係傳統嘅陶瓷茶壺；茶葉就用咗茶包而唔係傳統嘅散裝茶葉，除咗有普通茗茶例如鐵觀音、香片、龍井、碧螺春、普洱等，仲可以揀冷泡茶例如桂花苦蕎、桂花觀音、玫瑰烏龍、四季春等。🍊懷舊灌湯餃：非常懷舊，而家喺其他茶樓好少見到，餃皮薄身，餡料有幾隻大蝦，配埋紅醋食好正🍊焗叉燒包：麵包鬆軟，叉燒餡份量啱啱好，蜜汁令成個包唔會太乾🍊蘿蔔絲酥餅：咬落非常酥脆，餡料有蘿蔔絲條，外脆內軟幾有口感🍊窩貼蝦多士：即叫即煎，上菜時仍然非常脆口，配埋雜果沙律醬一齊食，又係另一道懷舊點心🍊韭菜金錢蟹盒：即叫即炸，咬落去非常濃郁嘅韭菜味，認真咀嚼後會發現蟹肉嘅味道🍊鵪鶉蛋松露燒賣：松露嘅味道唔算突出，不過中間嘅鵪鶉蛋蒸到流心，幾有驚喜🍊排骨陳村粉：排骨肥瘦適中，陳村粉吸晒豉油同豆豉嘅鹹味🍊鮮竹卷：非常足料，豬肉餡配唔同嘅蔬菜，口感豐富📍將軍澳澳南海岸唐俊街23號MONTEREY Place 1樓2A號舖位置就腳：🍊🍊🍊🍊餐廳環境：🍊🍊🍊🍊食