影片
更多
2016-04-21
985 浏览
念念不忘鮨文既omakase ,又務先訂位,終於等到今日~ 今日仲可以坐到寿司吧枱可以近距離見到師傅準備,同埋直接上枱就可以食,期待吖~先黎蒸蛋, 今日蒸蛋略為唔多熱,但依然美味!鰻魚bb刺身 , 唔講以為係白飯魚,鰻魚BB透明一條條咁見到一粒黑色既眼睛,師傅話入邊有紫蘇花同埋柚子皮,柚子皮既果香中和咗紫蘇花既濃味,鰻魚BB好滑,當冷麵咁樣食係一個幾特別嘅體驗!平正魚第一次食, 師傅話油甘魚科,爽口, 春天食就係最好咁話! 日本真蠔, 都算幾大隻,墊底有日本海帶,加埋辣蘿蔔蓉同埋蔥花一齊食,蠔味喺口入邊爆發,after taste 都仲好強勁,正吖! はだて帆立貝刺身 ,新鮮嘅帆立貝刺身鮮甜爽口,同雪過嘅真係冇得比!左口魚寿司, 師傅已經搽咗醬油喺面,加埋呢度嘅紅醋飯,好味!春子鯛寿司 ,呢個未食過師傅話香港都好少有嘅,連埋粉紅色魚皮一齊食,係爽口既鯛魚!大拖羅寿司, 呢個唔多講喇,識得食一定係食呢度嘅大拖羅,喺香港試過無數咁多但喺呢度嘅先最接近日本嘅味道!小姫寿司, 又係未食過嘅,銀色魚皮既寿司,望落感覺好似好韌咁樣,真係食落口又唔係喎,魚味好濃,有少少似池魚咁.三
先黎蒸蛋,
今日蒸蛋略為唔多熱,但依然美味!鰻魚bb刺身 ,
唔講以為係白飯魚,鰻魚BB透明一條條咁見到一粒黑色既眼睛,師傅話入邊有紫蘇花同埋柚子皮,柚子皮既果香中和咗紫蘇花既濃味,鰻魚BB好滑,當冷麵咁樣食係一個幾特別嘅體驗!平正魚第一次食,
師傅話油甘魚科,爽口, 春天食就係最好咁話! 日本真蠔,
都算幾大隻,墊底有日本海帶,加埋辣蘿蔔蓉同埋蔥花一齊食,蠔味喺口入邊爆發,after taste 都仲好強勁,正吖! はだて帆立貝刺身
,新鮮嘅帆立貝刺身鮮甜爽口,同雪過嘅真係冇得比!左口魚寿司,
師傅已經搽咗醬油喺面,加埋呢度嘅紅醋飯,好味!春子鯛寿司
,呢個未食過師傅話香港都好少有嘅,連埋粉紅色魚皮一齊食,係爽口既鯛魚!大拖羅寿司,
呢個唔多講喇,識得食一定係食呢度嘅大拖羅,喺香港試過無數咁多但喺呢度嘅先最接近日本嘅味道!小姫寿司,
又係未食過嘅,銀色魚皮既寿司,望落感覺好似好韌咁樣,真係食落口又唔係喎,魚味好濃,有少少似池魚咁.三文魚子軍艦,
呢度嘅三文魚只係用北海道已經用醬油醃製過嘅三文魚子,好香嘅醬油味,但係又唔係死咸,所以呢個真係好好食,平時我唔係咁食三文魚架,係要好食嘅我先會食~追加金目鯛寿司,
我好鍾意食金目鯛架,所以就問下師傅今日有冇金目鯛,真好彩,有得食,~北海道海膽軍艦,
已經好好味,但好戲在後頭。。。北海道白海膽
,呢個係今晚嘅精點所在,師傅話北海道白海膽唔係成日有,就算有香港都冇乜鋪頭會入貨,因為佢比起普通嘅海膽價錢貴起碼一倍,今日可以試到真係好lucky吖~佢比起普通嘅海膽質地再結實d,鮮甜度再提升,食完白海膽,真係好難返轉頭. 碎葱吞拿魚腩手卷,
睇住師傅將吞拿魚打成蓉.是日水果係日本蜜瓜,
店員係將蜜瓜上枱之前用威士忌噴落蜜瓜度,呢個食法係坊間都聽過,食就第一次,甜美嘅蜜瓜配上淡淡的酒香,呢個配搭又的確係幾唔錯! 師傅話嚟緊就會轉餐牌,配搭上都可能有啲新驚喜,所以可能冇幾耐之後我又會再嚟幫襯架啦~
张贴
