Amici (已結業)

要搵地方慶祝生日..想搵個浪漫得來 又安靜 又要環境幽美既.....結果選左呢度..唔係人講我都唔知原來呢度d野食價錢唔算貴...book左台8點..侍應非香港人...但用基本英文溝通好快就得到我想要既window位...高處望落去睇到朗豪坊成個商場..感覺都幾震撼嚇人..好似去左d 未來科技世界咁..好喇坐定定叫野食...今日係大節日..所以梗係唔可以手軟...叫左一個南瓜湯, 洋蔥圈,肉醬千層闊條麵, amici pizza 同2杯特飲...個侍應都提醒我地未必食得晒...但開心冇計啦!先來個南瓜湯 廚房好好同我地一分為2...仲有蒜蓉包好好味,個湯好濃味..入口超香之後來左2杯特飲..好鬼大杯...一杯係類似士多啤奶昔..另一杯就士多啤梨溝橙汁既野,飲到好脹..之後來埋個千層麵...就咁睇細細舊,,,點知切開來食..先發現好飽....再後來埋個pizza d芝士正到好香好濃...而且仲可以拉到成條絲....好幸福既感覺但食左4塊 剩番一半已經飽到食唔落..早知聽侍應姐姐講食少d..環境氣氛好正...樓頂係朗豪坊命名既天幕下的餐廳..餐廳落既燈又好柔和 又冇咩人經過感覺時間好慢..