Amici (已結業)

相約姊妹食晚餐, 選左Amici, 係朗豪坊13樓, 方便易揾. 餐廳比較暗, 坐得都算舒適.叫左1) Amici Snack Platter 小吃拼盤 (內有炸雞翅, 香酥魷魚圈, 洋蔥圈, 薯仔皮, 配上甜辣醬) $98-----味道普通無特別, 薯仔皮烤得過焦(2) Salsiccia Stagionatta 薄餅 (意大利辣味香腸, 蘑菇,mozzarella 芝士) $118------正常薄餅, 不值一提(3) Full Rack of Spare Ribs 排骨（用自製燒烤醬醃製) $116-----排骨鞋身, 味道普通, 好彩表面有醬汁, 唔算太乾, 薯條太幼, 整體麻麻(4) Seafood Linguini 海鮮扁意粉 (內有蛤, 貝, 蝦, 石斑魚, 配大蒜白酒番茄醬) $108---扁意粉硬身, 海鮮小小腥, 醬汁味道一般總結:食food court 好過食佢

本來等緊隔離個間，行過見到呢間有位，仲寫住9：30全餐牌都有75折！好似幾好喎，咪試下囉。點知，所有野上到黎既賣相同味道都不似預期！牛扒熟過頭，硬到咬唔開。小食拼盤同係街邊茶餐廳質素無分別。最讚就係炸薯條囉，真係脆！😂

外子為我慶祝牛一, 不過事前完全冇訂位, 唔打緊, 隨心見到啱食就試試吧 ^^上咗朗豪坊商場頂樓, 見到呢間食評唔錯, 夜晚七點零, 唔需要等位侍應哥哥俾咗出面望住天幕嘅枱我哋, 環境唔錯。最快手, 叫咗個二人套餐, 有小食拼盤或煙三文魚凱撒沙律, 再揀兩個主菜 同飲品。上菜時間都算快, 食物份量亦足夠, 侍應效率良好, 感覺唔錯嘅一餐。(絶對唔關生日心情好事 ) 

約咗好耐冇見既朋友食晚飯, 梗係搵個坐得舒服又坐得耐既地方。旺角朗豪坊地點方便, 於是上去skybar食Amici我地2個人叫咗個2人套餐set a, 初頭仲驚唔夠食, 有小食拼盤, cabonara 闊條麵, pizza (芝士四重奏), 2杯飲品, 同場仲有另一個set b, 多$100 多2碗湯同多d main course 揀 (如ribs)小食拼盤冇諗過有咁多, 有鷄翼, 炸洋蔥圈, 炸魷魚, 芝士薯仔, 少少沙律菜, 一式三份, 食完已經飽咗半成 😥 Cabonara 闊條麵okay, 食完唔覺得膩, 但芝士唔夠香Pizza - 芝士四重奏聽個名以為有4款芝士tim, 係薄批黎, 飽到食剩一半要打包 😂食物就不過不失, 依度適合傾計&飲野, 坐得舒服又可以慢慢坐

在朗豪坊行完街之後, 想搵個地方坐低, 飲下啤酒同睇下波, 當時第一時間就諗, 過去太子或者TST都有啲遠, 但係好彩我朋友算窿路, 就話朗豪坊都有酒吧, 唔駛去咁遠。間餐廳係頂樓, 樓底夠高, 環境幾舒服, 啱晒睇波...去得睇波, 當然唔少得啤酒啦, 同埋咁啱係晚飯時間, 肚餓就當然要食啲飽肚嘅野食, 咁食叫左個三文魚pizza。呢個pizza真係無得頂, 第一, 出面嗰啲XX Hut完全係無得揀三文魚做配料, 非常特別, 魚肉亦非常嫩口; 第二, 佢啲芝士好鬼多, 鋪滿晒成塊pizza, 一啲都唔會孤寒; 第三, 平時其他餐廳嗰肉碎香腸pizza就好鬼肥膩, 不過可能係個pizza係用魚肉做topping, 所以一啲都唔油膩, 食得健康啲~~Overall rating, 個pizza 我會比8分, 鍾意食唔同花款pizza嘅朋友仔, 可以選擇黎呢個BAR~

來到了Sem Break的中段﹐終於有機會約兩位閨密在百忙Part-time之中抽空吃個飯 一想到這兩位朋友﹐便想起以前一起上堂聊天﹐搗亂的日子﹐青春真好！這次來到了朗豪坊13樓的Amici享用晚餐﹐微暗的燈光﹐挺舒服的椅子使這裡變成一個聊天的好地方(如果隔壁枱的客人能安靜點就更好!)。這次我們點了Set AAppetizer - Caesar Salad份量還可以﹐僅僅開了我們小小的胃。有三四片三文魚﹐有點薄 ; 羅馬生菜已經勻合了沙律醬﹐好味 ;而麵包粒則是略少 Snack - 炸魷魚圈拼盤魷魚炸得煙煙UNUN﹐加上兩個醬汁 - 蛋黃醬及好像是荷蘭醬的東東﹐令我們都禁不住在吃完魷魚圈後再吃一點醬啦! 兩個醬都不會太酸﹐而且這家店都給了很大兜的醬﹐不怕沾完便沒有啦!Entree - Amici Pizza 10"細細個切成六塊的Pizza﹐三個女孩子吃是剛剛好的喇！Pizza的表面鋪滿了Cheese﹐好香薄餅亦焗得很脆﹐但這塊Pizza單售要大約$150﹐這樣看起來就有點貴了。Entree - 有點蘑菇有點像雞肉的Risotto這個Risotto看上去不算是很美﹐也不算很好吃﹐但

兩星期前book位，去到佢竟然話揾吾到個booking好彩七半去到未full，侍應照安排位俾我地，不過個位比較open，差吾多全程俾排隊人群望住我地食lol個menu設計得好得意，用個盒裝住。叫左個二人餐，再加錢叫左兩杯mocktail 。Size都幾大，夠飲成餐飯。兩杯味道都好好，鍾意飲椰汁嘅pina colada 就最岩！ 第二杯唔係好記得佢真名，但有幾種口味，除左芒果仲有士多啤梨，飲落似smoothie, 清爽！個小食拼盆好豐富，炸洋蔥圈，魷魚，雞翼同焗薯皮，每樣都好新鮮熱辣，好好味！個pizza有雞，辣肉腸，pama ham, 非常多料。個蕃茄醬底好好味，足料芝士，餅底亦整得幾好，吾硬，果然係招牌pizza!! 餐廳好細心甘等我地差吾多食完個pizza先上個pasta，甘就吾會放到凍左。 個忌廉汁好惹味，個寬條麵就軟硬適中，讚!! 無諗過個二人餐甘飽，食物仲要好有質素，一定會再黎！

Grill New Zealand beef steak with homemade grayAs waiter did not ask me, I told her that the steak was medium rare. The dish could be with mushroom risotto.The soup was mushroom soup. I like it use fresh mushroom and grind it small enough this time without filtering. The soup was full of mushroom flavor. The bread was warm and soft. For me, it was waste to eat bread with butter as the bread was good taste enough to eat alone. I really want to encore.As for the steak, it was grilled just for the

其實旺角地方雖少，不過都仍然有不少餐廳未試過，Amici位於朗豪商場頂樓，樓底高所以空間感夠，環境不錯，但燈光真的很暗，雖然是蠻有情調的，但很難拍照。我們點了一個 4 人餐西蘭花忌廉湯忌廉不是太多，如果湯的質感再傑身一點，濃一點，效果會更好。招牌小食拼盤有洋蔥圈，薯皮，雞翼，炸魷魚圈，炸物全是熱騰騰的，當中最喜歡薯皮，芝士夠足料，煙肉份量剛剛好脆柏爾瑪火箭菜沙律火箭菜感覺很新鮮，但覺得極苦澀，而且非常長，像完全沒有修剪似的；柏爾瑪火腿炸後的口感似煙肉，非常脆，不過偏鹹，整個沙律的橄欖油又少，我覺得自己像一隻牛，像在吃草一樣，極不推介。醬燒豬仔骨我本人是非常喜歡吃豬仔骨的，可惜這個肉質不鬆化，很難離骨，肉味略為不足，而且豬仔骨醬汁又偏淡，又是另一個不推介。海鮮意大利飯意大利飯味道濃郁，米飯的韌度剛好，煙煙韌韌，甚有咬口，而且材料份量充足，海鮮主要有魷魚，帶子和青口，鮮味十足。amici pizza用店舖作名字的pizza應該是招牌吧，餅底頗薄，焗得很脆，蕃茄味很香，有雞肉、磨菇，意大利肉腸等，份量十足。這兒環境適合朋友晚飯及飲嘢聚會，不過食物質數就比較參差，推介pizza和意大利飯。Am

今日係睇波既日子、不過我就連邊隊對邊隊都未搞清黎旺角食野、想坐奈點、坐到幾晏都無人趕既、就一定要黎愈夜愈精彩既朗豪坊頂頂是日、我們志在吹水同隊啤！所以一早諗定朗豪坊頂樓見！我同幾個朋友早到、發現因為有波踢關係、好多間都有最低消費：$250因為之前都食過呢度幾間好幾次、知道每人都要二百幾蚊先落到樓、所以都無乜所謂呢間平日無最低消費仲抵食、因為呢度野食份量超大、適合大班人黎食、除番開好化算！我黎過三次、都犯左同一個錯 ｰ 就係做左"眼濶肚窄大晒鬼"！經過上次既教訓、我今次都係重蹈覆轍、真係唔應該！呢度個四人餐實在太勁、好大份、包左四個主菜加一個大批！我們四行人、當中一位男士、再一次高估自己食量！上小食主菜前、仲有南瓜湯同餐包！本來諗住留肚食其他野、所以唔食晒餐包、點知試左一啖、覺得個餐包甜甜地、幾好味、於是食左一大半1. 招牌小食拼盤呢個超正！愛黎送酒一流有五隻雞翼、三塊大薯皮、好多薯圈、好大份！2. 精選芝士拼盤上次黎都有叫呢碟我對於芝士品種不太認識、淨係覺得呢幾隻都唔係好濃味3. Chicken Risotto呢碟十分普通！件雞都算幾嫩滑、唔老！飯有點淋4. 醬燒豬仔骨豬仔骨好正啊(雖

The location of this restaurant is good, but the food not so much.We went for lunch on Saturday at noon.  There wasn't a wait for a table.  We arrived when they just opened, and apparently they had just cleaned the kitchen because the whole place smelled like bleach.We ordered two dishes: Salmon with Mushroom Risotto, and pizza with air-dried beef.  The salmon was over-cooked; it was dry and hard.  The accompanying risotto was decent, but slightly too salty.  For the pizza, the topping tasted de

朗豪坊頂樓少踏足, 本身外在環境都已經有格調, 餐廳內裡貫徹格調."盒"menu是人人一開始就讚賞的地方, 那就不多說了.點了二人套餐, 看來挺有份量的.自選pizza, 外熱內脆, 喜歡pizza的人不要錯過喔~小食拼盤 : 有洋蔥圈, 薯皮, 雞翼, 炸魷魚圈. 魷魚煙韌的, 不錯. 醬汁酸甜, 很好吃~Virgin Daiquiri (Lychee), 清甜不膩, 放的不是一顆顆大粒的冰塊, 而是沙冰哩~ Fettucini Carbonara : 嗯... 如果不是闊條麵就好了, 味道不夠濃, 而且麵感不是很好, 有點像變乾硬了的中式河粉, 忌廉汁也少了點.

該店位於朗豪坊高層, 喜歡這裡的幽靜。臨近聖誕節, 該店亦作出一些佈置增添氣氛, 有公司在此攪聖誕聚餐, 感覺很特別。是次點了西冷配薯菜。餐湯--蘑菇湯有粒粒蘑菇, 份量不小。西冷配薯菜--牛排9成熟, 又沒有牛排應有的解嫩口感, 是失敗之作。

是晚忽然想吃芝士拼盤，心想在旺角除了到酒店吃自助餐外，還可以於哪裡吃到呢？瀏覽開飯了旺角專輯，看到這家位於朗豪坊的意大利餐廳，內有芝士拼盤，二話不說馬上向旺角進發。於途中致電餐廳訂枱，可惜訂座名額已滿，只能walk-in，猶幸沒有太多人等位，所以馬上可入座，而且座位還在落地玻璃側，正！由於臨近萬聖節，餐廳佈置都以此作主題，相信當晚氣氛一定很熱鬧。餐牌設計亦很精美，好像一個盒子，揭開是一頁又一頁圖文並茂的食物清單，分類鮮明。這晚我們選了一個可以凍肉芝士拼盤為主菜的2人餐，包括野菌忌廉湯兩客﹑招牌小食拼盤﹑羊架及剛提過的凍肉芝士拼盤，飲品兩杯，HK$468 (2位)，另收加一。坦白講，一開始只是為芝士而來，並沒考慮其食物質素﹑收費之類的問題，沒想到這裡的食物既美味，價錢也很合理。先來的野菌湯，菇味極濃，從其色看得出很足料，同吃的餐包也鬆軟，美味！跟著上桌的就是主角凍肉芝士拼盤了，凍肉及芝士各三款，並跟一籃麵包﹑橄欖及沙律菜。凍肉分別是巴馬火腿﹑風乾牛肉及莎樂美腸，芝士則有金文拔﹑煙醺 Mozzarella及Gorgonzola Cheese (藍芝士)。芝士﹑凍肉各有特色，鹹香﹑濃郁的食味

同時座落朗豪坊卻跟4F的FOOD COURT不同，少了吵鬧的嘈雜卻多了一份寧靜，從餐廳高處望下還有一股攝人的氣勢。午餐時間人不算多，而價錢也不算貴，相信是很多人不懂得摸上這而只是往FOOD COURT進發。餐牌像一個盒子般很有趣，種類也不算少呢意粉，沙拉，牛扒，PIZZA等應有盡有...... 最後點了意粉和魚柳。牛油果忌廉蝦意粉: 名字可能有誤差因為太長了，但味道卻難忘，雖說牛油果但變成細粒混入忌廉汁不太苦，而意粉加了蒜容炒得很香，蝦肉也很彈牙，整體功夫實在不錯。鯛魚扒配柚子汁:比起意粉這個看起來不太化算，首先是份量，一上台看到真的很小，正常男士冇可能會吃飽，還有就是柚子汁就像是一罐罐買來開水那種，整體感覺有點單調，幸好魚肉也有魚味和嫩滑。整間餐廳格局優雅特別，首先可坐在店外的露天空間，感覺寬闊自由，也可坐內裡的吧台附近一邊看大視一邊欣賞內裡非正常間隔的設計。再入還有可以看到街景酒店等和卡位座的獨立電視，可說是滿足不同人需求，最重要是附近幾安靜令人感覺舒服。