影片
更多
2008-07-17
60 浏览
趁住放假，入嚟沙田走一轉！近排日日都陰陰雨，難得今日都算天朗氣清，感覺幾好！下午茶時段，嚟意廊嘆番個tea buffet，大刷一餐下午茶驅驅悶氣，其實好幾年前都嚟過食晚飯，無論環境、氣氛、服務、食物都唔錯，所以都有興趣山長水遠嚟多次。係可惜天氣悶熱少少，唔可以坐露天位，否則，感覺仲更加寫意呀！開開腸胃先，殺咗兩輪沙律，因為近排食肉太多，所以補充番多D纖維質。3款預製沙律（鮮什果沙律、咖喱薯仔蛋沙律、水牛芝士蕃茄沙律）同6款自助沙律配料，加2款醬汁，當然個水牛芝士蕃茄沙律最得我歡心啦，同埋相對用料又係貴價少少。此外，配多幾件迷你三文治，較好食係個車厘茄法包，好味在於個車厘茄用橄欖油焗過，有朕欖油香。下一轉輪到食熱盤喇！老實講，熱盤唔太多，一眼掃晒：肉醬意粉、炒飯、雞翼、豬肉餅、德國腸、燒肋骨、薯仔餅、西多士同即叫即做嘅自選餡料迷你Pizza。雖然唔多款，但確實幾好食，算係貴精不貴多，首推嘅係即做迷你Pizza（約6吋直徑大，梗係有三、四個人一齊分哩食最好啦，否則好快飽晒肚），批底屬薄批，唔算好薄，不過都脆身，簡簡單單配濃香嘅茄醬、磨菇沙樂美腸菠蘿、鋪天蓋地嘅車打芝士，新鮮出爐即送上枱，好
開開腸胃先，殺咗兩輪沙律，因為近排食肉太多，所以補充番多D纖維質。3款預製沙律（鮮什果沙律、咖喱薯仔蛋沙律、水牛芝士蕃茄沙律）同6款自助沙律配料，加2款醬汁，當然個水牛芝士蕃茄沙律最得我歡心啦，同埋相對用料又係貴價少少。此外，配多幾件迷你三文治，較好食係個車厘茄法包，好味在於個車厘茄用橄欖油焗過，有朕欖油香。
下一轉輪到食熱盤喇！老實講，熱盤唔太多，一眼掃晒：肉醬意粉、炒飯、雞翼、豬肉餅、德國腸、燒肋骨、薯仔餅、西多士同即叫即做嘅自選餡料迷你Pizza。雖然唔多款，但確實幾好食，算係貴精不貴多，首推嘅係即做迷你Pizza（約6吋直徑大，梗係有三、四個人一齊分哩食最好啦，否則好快飽晒肚），批底屬薄批，唔算好薄，不過都脆身，簡簡單單配濃香嘅茄醬、磨菇沙樂美腸菠蘿、鋪天蓋地嘅車打芝士，新鮮出爐即送上枱，好味在於此；其次好食嘅有肉醬意粉（肉醬做得香濃，意粉煮到咬口，始終佢都係間意大利餐廳）、雞翼、德國腸、燒肋骨（食完一件又一件，因為表皮燒得好香脆，D肉又鬆化）、薯仔餅（唔係普通嘅薯寶，裡面仲有粟米粒，增添口感又爽口D）！
輪都輪到食甜品，有即做Pancake，無咩特別，一試無妨個隻！雪糕都係，因為係雀巢，得兩款口味：青檸同朱古力！此外，仲有朱古力噴泉，跟住，甜品枱上約有12款大大細細嘅甜品。大餅有藍梅芝士餅（幾足料，好多藍梅晌個餅面）、朱古力蛋糕三重奏（朱古力海綿蛋糕+朱古力醬+咖啡忌廉，一層又一層相間咁做，花功夫之作，加上好味道，小弟頗欣賞）、班尼士（Browines，傳統美式嘅香濃朱古力餅），結論係3款都咁好食；而D一細件一細件嘅甜品有吉士泡夫、熱情果朱古力慕絲、木糠布甸、紅酒梨、芒果椰汁河粉、雜莓雲哩拿汁、檸檬奶凍、薄荷朱古力慕絲、雜果撻，試勻晒咁多款，覺得較突出係熱情果朱古力慕絲、木糠布甸同芒果椰汁河粉，除咗買相好之外，底下嘅熱情果漿酸得好醒神，配合朱古力慕絲嘅苦甜，襯晒；而個木糠布甸買相精緻，唔太「漏」；至於個芒果椰汁河粉，真係食時先知濃濃嘅芒果漿遮住下面嘅係椰汁河粉，當然唔係真河粉，係用椰奶同蒟蒻做嘅「河粉」，好重嘅椰汁味，河粉滑溜好過癮！
原價$118，有7折優惠唔過百，值得試，不過，又好鬼奇怪，唔包餐飲，下午茶自助餐，無咗個茶，真係若有所失咁！
张贴
