風月堂 (已結業)

去銅鑼灣風月堂食飯就多嘞,今次帶朋友轉試吓旺角風月堂。間餐廳好就腳,地鐵站D3一出就見到,我地好早到,6點3左右上去即刻有位。上到去先發覺間餐廳好細,可能因為分左兩層既關係啦。但環境始終唔夠銅鑼灣果間咁靓咁浪漫舒適,所以下次翻叮都會揀番銅鑼灣區!兩個人點左四樣嘢share食:-海鮮湯意粉: 大大碗有好多意粉,海鮮好足料,撲鼻而至既係好香濃既蕃茄湯底,味道有d似羅宋湯但並無辣味。雞柳冷麵沙律: d冷麵好爽口彈牙仲好多麵添,配埋d好creamy既日式沙律,感覺相當清新兼醒胃,簡值一試難忘。雞軟骨串: 有4串,味道及口感唔錯。椰汁布甸班戟: 個椰汁布甸好滑好似豆腐花,塊格仔窩夫餅好香脆,3件迷你班戟包住d綠茶忌廉同啫哩做饀料,可惜d啫哩硬硬地唔多討好囉,致令班戟失色不少。環境清幽,好適合情侶二人世界呢^^食吓傾吓,唔覺唔覺好寫意地坐到9點先識埋單,d待應好有禮貌服務唔錯又唔會催人埋單。美中不足既係男女共厠,唔係好慣姐!!!今餐由朋友請客~Thank you very much!!