Go Inside Kitchen (已結業)

今日去觀塘食飯左諗右諗突然記得朋友話有間cafe吾錯就去左，但原來開6點我5點45上去都比我坐下先再上菜，勁好喎。今日準備輕食就叫清淡為主，因為散叫價錢就要$282，其實佢地都有set dinner有平有貴都吾錯。法式芝士煙肉焗蠔$88…芝士煙肉味重蠔就細左少少。招牌沙律$88…沒想到有雞肉，煙三文魚，巴拿馬火腿都份量仲要吾少，和菜一起食十分好味，還有少少蕃茄帶點酸甜都十分開胃，而且十分清新添。對於想輕食的我來講剛剛好。焦糖燉蛋$52…待應推介當然忍吾住叫啦，佢話自家制，食落的確吾同，好香蛋香吾甜，而且焦糖薄薄一片味道剛好，食完都幾飽肚，因為十分足料用全蛋王做的。有機茉莉花茶$28…本來想飲檸檬茶的我待應講話試這裡的公平貿易茶包，飲落去茉莉花味重又香，一壼分量味道勁濃郁，可以再加熱水添…當然味就淡左少少，但香味仲保持到。