格格府御膳 (已結業)

朋友最近勁迷延禧攻略，仲要上網搵左呢間餐廳叫我一齊去食XD呢間格格府個名已經夠哂宮廷，入面GE裝修都真係幾靚~D餐巾，餐具都勁有宮廷特色，真係夠哂特別呀!睇佢地每張椅背都有個古代女子係到.. 夠哂詩情畫意!食物方面我無乜所謂，所以交比我個朋友落單，都食左唔少野架!江南三小碟入面有醉雞，木耳同麵，醉雞好香酒味，雞肉又滑，不錯!御膳老火湯都幾大碗，夠哂火喉，入面粒雲吞又大粒，好味!黃金大阿哥蝦球呢個真係夠哂特別，又大隻，而且佢係用咸蛋黃去炸，食落好香咸蛋黃味架..松露醬獅子頭上面放左D松露醬係到，口感豐富，而且松露醬好香好清新!高湯浸菜苗菜苗浸住D高湯，索哂D湯汁GE味道，好好味! 而且感覺好健康!香橙胖大海由於朋友喉嚨不太舒服的關係，廚師推介左佢飲胖大海，據聞好多歌手都會飲胖大海黎開聲架!友人話佢以前未飲過，覺得幾得意，加上佢落左D橙皮係到，食落幾清新! 值得一試!桂花酒釀丸子清香桂花味，丸子咬落好「綿」。正! 離開果陣仲留意到佢地放左個古代梳妝台係到，仲有D飾物.. 真係好靚!個老闆仲搞笑咁問我地要唔要著件衫黎影張相tim! haha!