北京樓 (新都會廣場)

营业中

休息中

大家對北京樓應該有認識，今次唔介紹地方，直接講菜色。金華火腿津白嫩滑多汁，火腿津白嘅火腿一般係鹹，而呢度係甜，味道似足豬肉乾，好食。👍🏻👍🏻水煮班球屬於勁辣級別，麻辣味濃，魚肉滑，加埋腐竹，妙極👍🏻👍🏻，如果芽菜改為水晶粉，呢個餸就十全十美。芝麻大餅面頭好脆，餅身鬆軟，裡面包左豬肉鬆，感覺好特別，好食。👍🏻👍🏻酒釀小丸子桂花味重，不過太漿太杰喇，麻麻地👎紅棗糕上台時間表面好濕，不過食落好煙韌，紅棗味重，唔錯。👍🏻茡齊餅好大個，成個煎堆咁，食落香口，裡面仲有椰絲，花生同埋馬蹄，口感唔錯。👍🏻👍🏻呢間北京樓菜色煮法同其他嘅北京樓寧舍不同，而且份量比較多，抵食。