影片
更多
2013-01-07
735 浏览
同同事放lunch去食,一去到見冇乜人已經覺得奇怪,因為旁邊果兩檔好旺坐底之後老闆娘話要至少等35分鐘,公司係附近所以冇所謂. 好欣賞呢種講到明既態度,免除爭拗.睇下menu,叫左個全餐要米粉,有一塊午餐肉同司華力腸炒蛋.當日寒風陣陣,一路等都好凍,對碗麵更加有期望.上餐既程序係咁既: 叫完野一陣,就會上野飲. 當師傳整緊你碗野既時候,老闆娘就會找對筷子比你,仲會好細心用紙巾包好.由於坐近檔口,睇到師傅真係每次只整一份炒蛋等左差唔多40分鐘,我碗米粉終於上枱!米炒係福米,冇特別. 有好多椰菜.但個炒蛋,睇落平平無奇,但咬落外脆內軟. 感覺到成個炒蛋好有heart,亦到體會到慢炒既好處. 呢個炒蛋外面微焦,但裡面唔會好乾,好濕好有蛋味. 個蛋非常好食.但對於鍾情於食濕炒蛋果種生蛋液既食友,呢個佢地可能未必鍾意.食完覺得係寒風中等左四十分鐘都算值得,但再等多次真係未必會la.我諗如果老闆唔係開係牌檔,冇可能堅持到每次炒一份. 係地產霸權之下既香港,用心煮野食變得十分難得. 碗野34蚊包熱飲,我覺得係牌檔黎講貴左少少. 因為只有福米同福麵揀. 但用料還好,比錢時見到腸係用金妹, 另外,呢度難
坐底之後老闆娘話要至少等35分鐘,公司係附近所以冇所謂. 好欣賞呢種講到明既態度,免除爭拗.
睇下menu,叫左個全餐要米粉,有一塊午餐肉同司華力腸炒蛋.
當日寒風陣陣,一路等都好凍,對碗麵更加有期望.
上餐既程序係咁既: 叫完野一陣,就會上野飲. 當師傳整緊你碗野既時候,老闆娘就會找對筷子比你,仲會好細心用紙巾包好.
由於坐近檔口,睇到師傅真係每次只整一份炒蛋
等左差唔多40分鐘,我碗米粉終於上枱!
米炒係福米,冇特別. 有好多椰菜.但個炒蛋,睇落平平無奇,但咬落外脆內軟. 感覺到成個炒蛋好有heart,亦到體會到慢炒既好處.
呢個炒蛋外面微焦,但裡面唔會好乾,好濕好有蛋味. 個蛋非常好食.
但對於鍾情於食濕炒蛋果種生蛋液既食友,呢個佢地可能未必鍾意.
食完覺得係寒風中等左四十分鐘都算值得,但再等多次真係未必會la.
我諗如果老闆唔係開係牌檔,冇可能堅持到每次炒一份. 係地產霸權之下既香港,用心煮野食變得十分難得.
碗野34蚊包熱飲,我覺得係牌檔黎講貴左少少. 因為只有福米同福麵揀. 但用料還好,比錢時見到腸係用金妹, 另外,呢度難得係用米通碗,十分有屋企feel.
順帶一提,呢度好有性格,開早上8點半到下午2點,星期日唔開.
亦都唔好諗住催/鬧可以快D,要快請去食魚蛋粉!
张贴
