茶墨 (已結業)

同朋友去尖沙咀行街，行到the one，又攰攰哋，出面又落雨，想搵個地方坐下，飲下嘢，一search 見到呢間水墨畫嘅茶飲，我同朋友都勁想試！同埋呢度唔係淨係做外賣，係有得坐喺度飲，啱晒！我哋揀咗杯麻糬芝麻烏龍鮮奶茶，同埋士多啤梨雪糕奶昔，跟住見到佢哋有低脂Gelato，我哋買嘢飲加Gelato會平咗，我哋就決定試埋佢哋嘅gelato啦朋友嘅麻糬芝麻烏龍奶茶睇個樣已經好吸引，我都試左幾啖😆芝麻味好重，麻糬好煙韌，下次再嚟試埋佢其他水墨畫嘅茶飲先得！呢杯係我嘅士多啤梨雪糕奶昔，應該落咗勁多士多啤梨，士多啤梨味勁出，好飲呀！朋友唔想食cone, 要咗個杯裝嘅gelato, vanilla favour，見到好多雲呢拿籽，好濃味，仲要係低脂架！滿足呀！我揀咗個石板街，原來佢個cone係會有埋蝴蝶酥，勁開心，朱古力味好濃郁，下次經過都會嚟坐吓飲吓嘢！