密密燒

营业中

休息中

自助串燒店近依幾年火速堀起，深受大家歡迎💖我都試過好幾間依類型嘅串燒店，但都失望而回😣不過今次終於都俾我搵到一間各方面都做得係水準之上嘅自助串燒店，可以真心推介俾大家😚。食物🍗🥓🥩🍡🍘🍥基本上所有肉類都有，我最欣賞嘅係佢哋嘅肉類串燒唔會過份調味同醃過，所以食得到肉類本身嘅味道☺️推薦大家要食燒蒜頭🧄，就咁食或者夾埋肉食係神仙級食法🤤。環境🍴非常整潔嘅一間餐廳，抽風系統強所以食完唔會成個身都係油煙味💨而且個爐頭都洗擦到閃令令，食得安心又放心😉。服務💁🏻落單之後食物好快就送到，絕對無漏單嘅情況出現，職員亦都好主動介紹每種肉嘅名稱，令到我哋知道自己食緊咩嘢，好貼心嘅服務🥰