密密燒

营业中

休息中

最鍾意呢度唔使自己落手落腳燒，佢嘅燒汁係精粹所在，再加埋佢嘅自家調製辣粉，同埋啲肉全部冇醃，我比較鍾意。依家越來越多選擇，牛肉最推介就係牛肩胛，豬腩仔都係值得推介，食落啲肉係脆口嘅，另外新出嘅虎蝦都好好味，如果鍾意食魚嘅話可以試吓脆肉鯇，同埋鯛魚，有啲食到停唔到口，仲有饅頭仔，燒到脆卜卜，小朋友超鍾意食，價錢都10分相宜，成人$250，小朋友只係$150，仲要冇收加一，飲品任飲，呢個價錢可以去邊度搵？

我哋早一個星期打電話去book咗枱，好彩有book到枱，一去到好多人食緊之前有食過幾間類似嘅都係細間啲嘅，呢一間空間感大啲，坐得舒服，我哋安排咗坐對窗口位置，仲好喎仲舒服唔好睇佢轉得咁慢，其實落咗一半腸仔魚蛋嗰啲跟住落一半肉，食完啲腸仔魚蛋等多一陣啲肉就熟大家好忙不停咁一熟咗一條就擺一條落去佢有好多粉粉俾我哋用，有少少辣嘅孜然粉、麻辣粉等等我哋兩個人加埋應該食咗50串串燒左右嘢飲選擇有檸檬茶、楊協成、有啲佢哋自己整嘅無糖茶，但係冇可樂我個friend唔開心咗，哈哈，我就飲茶一刻嘅檸檬茶好飲嘢食都幾好食，陳皮魚蛋好彈牙，雞翼好細心係單骨雞翼方便燒，肉類其實因為燒烤嘅關係燒大概都係差唔多味道，氣氛好好，食得好開心一人$250冇+1都幾抵呀，員工服務態度好好，個姐姐擔心我哋未食過呢一間所以講解得好清楚

位於深水埗嘅長沙灣自轉燒烤放題！只要 250 蚊一位，仲免加一，任食兩個半鐘，超抵食😋！呢度有全自動串燒爐，完全係懶人福音。串燒選擇超多，肉類同海鮮每樣都有十幾款，任你食到飽。仲有一大個雪櫃，放滿唔同嘅酒同飲品，想飲咩拎就拎。比起大陸嘅白玉串城，呢度一啲都唔輸蝕。以呢個價錢可以享受咁豐富嘅美食，真係少一個返大陸嘅理由啦🤩！

長沙灣/觀塘懶人自轉燒烤放題 係傳媒推介必食燒烤😱 勁多唔同選擇 $250/位 免加一.最吸引一定係佢地燒烤爐 夠方便串燒只要放係爐上面等一陣就食得選擇都算多 基本上雞牛羊豬鴨都有齊好似牛咁 已經有5款選擇⭐️牛肩胛 ⭐️西冷 ⭐️牛舌 ⭐️牛肋腩 ⭐️牛板腱但我更加鐘意佢地燒海鮮 有11款一定要試吓⭐️燒白鱔 ⭐️鯛魚片 ⭐️脆肉鯇👍🏻可以燒到魚皮脆脆地 👍🏻脆肉鯇魚肉都爽彈👍🏻虎蝦輕輕落少少鹽燒 已經好好食.枱面有幾款調味料 可以按喜好自行添加飲品方面有幾款冷泡茶同罐裝飲品.整體價錢唔貴 $250/位 免加一 任食2.5小時如果5位以上 仲可以任食3.5小時 加分好適合叫埋朋友聚會 3.5小時慢慢食.#密密燒 (深水埗)(觀塘）地址：深水埗東京街50號地舖觀塘康寧道79-89號康寧大廈地舖

未食已經領教到服務差😡😡2位去食晚餐，當時得嗰3，4枱客，佢就叫我哋坐門口位置，我哋問仲有冇其他位，佢就指去面壁位（係咪傻㗎我係2位，唔係1位），我再問可唔可以坐落地玻璃嗰邊，佢就阿吱阿咗態度勁差話要人多先坐得（重點佢大把位，們口位係4人枱，我要求坐的位置都係4人枱）嗰位員工男人真係9唔搭8正式趕客走，香港有你呢間舖真係搞死晒，唔想做生意就早啲摺埋佢啦！

最近係社交媒體網站見到推薦呢間任食串燒店，所以就決定同朋友過黎試下上星期五去完，昨日又去多次真心覺得好正初時見到啲食評話轉得慢又無野食，都有啲擔心。不過去完之後覺得都OK冇問題，冇網上講到咁嚴重🩵250$無加一仲要無吹人走，同frd坐係到邊食邊睇住佢轉；好治癒好開心野食款我覺得不過不失，牛豬羊雞蔬菜都有，仲有野飲任飲，好正！！第一輪個陣可能會覺得有啲漫長，但之後其實都好順🧡雖然無粥粉麵飯個啲野但都食得夠多🫶🏼一次同四個frd去一次就兩個人，因為個爐既大細固定，兩個人個回轉速度會燒得好啲～4個人就會燒得有啲慢，但因為老闆都無吹人走，所以都係可以食飽

星期六既突登黎長沙灣食串燒，餐廳附近都係民居，真係專登走過去試下🤣成人$250一位，2.5hour 任飲任食，唔洗再加一，都幾抵食！每個位都有調味料，可以揀算反自己口味。整體嚟講食材既質素都幾好，牛豬雞羊都有，仲有唔同既蔬菜，本人最愛牛舌😍😍超正！同埋自己放d串串落去燒幾好玩🤗又唔洗驚會燒濃！店員都好有禮貌，好詳細講解點樣燒，每次黎食材都會講比我地聽係咩黎，好細心🫶🏻店舖唔算好大，所以最好上網book定枱😊

收費$250/人 2.5小時 免加一兩個人黎食會安排並排坐坐低膝頭有啲頂住張檯坐得唔係好舒服呢到QR自助落單無漏單情況，上菜都好快不過串燒要啲時間先熟，無甘快食得所以每檯都有送包瓜子比客食住先🥩 牛肉有五款選擇🥩牛肩胛最好食因為油花比較多燒完唔會老或柴🍢 多春魚燒魚最煩係魚皮會癡網呢到離網燒就無呢個問題魚春好多，好肥🍢 豆卜燒到外面脆卜卜勁好味，食左四五串豬肉有三款選擇🍢 豬頸肉第一串好好味第二串黎爭細粒左好多同第一串唔同左樣🍢 豬腩仔半肥瘦🤤燒到金黃色加小小鹽就好好味🍢 雞軟骨要啲時間燒耐啲先可以脆卜卜又每人食左兩三串🍍菠蘿超推薦燒完超甜又多汁👍🏻🍢 秋葵一般，唔推薦🥛飲品有八款選擇無糖茶，椰青水……最鐘意豆漿，仲要小甜👍🏻個爐計設計一般擺某啲串燒要用三個位置e.g. 豆卜 菇類 等唔係會撠住轉唔郁同埋個掃燒烤醬既掃手炳太短燒到中後段既時間，個爐太熱掃上去會辣手如果鐘意重口味既燒烤，呢到未必岩有啲人比較偏好醃好或者鋪滿孜然粉但我就鐘意呢啲只需小小調味既串燒同埋呢到既款式選擇其實唔多不過質素唔差兩個人總共食左約四十串，計返都係約$13/串好抵食，其實仲有時間可以燒多啲但食到好飽所以最尾

真係好難食！完全唔明白點解會有咁多好評。我完完全全係被呢堆「好評」誤導。串燒款式唔多。全部應該都雪藏冰鮮咗好一段時間。啲肉完全冇味，無論咩部位個味都係一樣，就係無味好似食擦子膠咁。有幾種調味粉俾你落，但係就真係食調味粉咁樣囉。剩係得啲調味粉嘅味。雖則話放題，結果食唔夠一個鐘就急急腳走。浪費金錢不在話下，最慘係浪費埋啲卡路里quota…系統要人寫夠200個字先可以俾負評，我唯有特登寫夠200個字都要去俾個負評佢！

呢間串燒店食物質素好高 放上架就會自動轉自動燒 完全唔麻煩又企理 而且免加一 食足2.5個鐘🥹🍖 任食串燒 $250 一人（最後有餐牌）牛肉有幾款 牛肩胛 牛西冷 牛肋腩 牛板腱 牛舌 啱哂牛魔王😍 款款牛都好正🤩牛扁胛同板腱肥瘦均勻 燒完唔會柴鍾意瘦嘅人可以食牛西冷😆牛舌好厚身 燒完好爽口豬有3款 羊有2款 雞有5款 鴨有2款 肉質都好靚 燒完勁香🤩比較特別佢有埋鴨舌😍 我食左好多雞腎同雞肶肉🤭仲有魚 丸 菇 腸 菠蘿 真係咩都有🫣 燒完嘅大啡菇同雞髀菇真係好正 加埋燒汁 勁juicy🤤調味粉都有幾種選擇 個人幾鍾意香脆微辣😍飲品方面冇咩特別 有幾款茶飲 同青檸汽水 我太專注食了 冇影到🤣呢間真係必食 而且服務態度非常好 一定要encore😍🖐️🖐️超大力推介

有一次朋友食完呢間餐廳之後大贊，就成日叫我一齊去試多一次，我都半信半疑系咪甘誇張架，🟫入到去餐廳內環境簡約樸素，古五到內有乾坤。餐廳選擇用QR code落單，非常方便， 自己識轉既竹簽都好好玩，好快有得食。🟩牛肩胛////外層肥牛燒到甘香，燒汁酸酸甜甜，中和左肥牛既油膩甘，口味幾特別，都幾大個，醬汁非常入味，真心幾正。🟫黑椒牛筋丸////呢樣都好容易熟，認真足料。🌹🟥腸仔////作為鎮店之寶既遊說下當讓不會令人失望，色香味俱全。🟩聖女茄////酸甜可口，唔錯。++秋葵///爽脆。朋友果然沒呃我，個價格認真便宜親民，真系好正啊，食完都好飽，特別系D 食物好新鮮，打卡一流。

呢間係深水埗，鋪頭係簡單裝修，但都坐得幾闊落，通風又好，同朋友聚下就岩晒！菜😸蔬菜我試佐三色椒，秋葵，雞髀菇，豆卜，聖女茄呢啲，每款都新鮮既，啲三色椒好爽脆，秋葵都好脆，雞髀菇好彈好軟熟，豆卜就好脆口，蕃茄又好多汁，慢慢燒！肉😽牛肋腩燒黎食真係幾正，燒到啲筋位仲好有嚼勁，嚼肉都幾結實，又香牛味，豬腩仔就夠晒肥，啲豬油慢慢咁燒晒出黎，燒到成粒肉都脆晒，但又唔會燒乾，所有肉都好好食呀！丸😻真係估唔唔呢度既丸有咁多款，魚肉年糕口感好好，燒到啲年糕流心咁款，煙煙韌韌，拉絲感覺，勁得意，胡椒豬肚丸就真係辣辣地，又食到豬肚碎，成粒丸都幾彈牙喎，芝士豆腐都好正呀，勁軟熟，又香芝士味，好多款可以慢慢試呀！

第一次嚟到深水埗密密燒串燒店，餐廳係用QR code自助落單，見到Menu串燒嘅選擇好多元化，當中包括有牛肉、豬肉、羊、雞、魚肉腸仔、丸類、蔬果等等！價錢都非常之實惠，仲要係任食！真係平靚正！最值得讚賞嘅係佢哋係有自助爐，唔需要人手燒嘢食，揀好食物擺落個爐到就可以等食！燒菠蘿係我幾鍾意嘅，因為菠蘿好清甜，燒完之後菠蘿嘅甜味就更加突出！另外，仲有燒芝士豆腐，呢個燒完之後啲芝士必出嚟超邪惡！食嘅時候仲有啲拉絲添！跟住仲有燒雞翼尖，燒到外皮好脆，食雞皮再啜吓啲雞骨，正！仲有佢哋嘅牛丸都幾好食，估唔到好juicy，辣辣地有啲黑椒香味！非常之惹味！蔬菜方面都幾鍾意燒啲菇類，燒完之後仲會好多汁，點少少醬汁調味就一流！

⋯同事介紹食密密燒，咁岩放假又經呢頭，要去深水埗睇電腦，唔知食乜好，夜晚就同朋友一齊係度食，行過嗅到好香，被串燒吸引住，姐姐帶我地坐左個靚位，呢度環境好大好正，每枱都有個爐，放支簽落去佢就自動轉住來燒，每一個位都保証係熟，燒得好均勻，仲可以燒到金黃色，而且係個爐旁邊又唔會太熱，所以都幾好燒，位又坐得舒服。之後我地擇最鐘意食既野，講真真係好好食再加上肚餓關係，點左好多，法國廚師腸好正，黑椒牛根丸既黑椒味好強，聖女茄好新鮮，魚肉年糕咬落去d年糕多到會流出來，魚皮蝦餃會燒到自己出油，秋葵燒到好脆口，豆卜都好香，甜蕃薯最愛食好夠甜，估唔到蒜頭都有得燒，其他都好好食，最後可以飽住走，果然係靠口碑，下次都會再食～

嚟深水埗搞翻工野夜晚之後好肚餓，咁啱朋友又喺附近就一齊搵間任食串燒試吓。決定試吓呢間密密燒，CP值超高💯💗店入面串燒有勁多款式，淨係牛肉已有牛肩胛、西冷、牛肋腩、牛板腱、牛舌5款，仲有豬，羊，鴨，魚，丸類和蔬果等。佢哋主打獨特模式既BBQ放題，燒烤爐可以自己轉，幫你把食物由生燒到熟，可以解放兩隻手🤣🤣講下啲肉先～推薦✨牛肋腩，食落口感嫩，有小小肥肉牛板腱就很扎實，仲有超級厚嘅牛舌。至於西冷食落口感都嫩。蔬菜🥬都好新鮮～菇類豆卜蕃茄仔乜都有👍大愛燒番薯😍整體體驗唔錯，飲品任飲，食物任食，環境又舒適，值得推介呀❣️❣️