容記小菜王

营业中

休息中

容記小菜王之前聽過朋友講好出名，之前一直無機會食，最近聽朋友講係太子重開，就緊係約三五知已去食個飯。我地叫左4個小菜加一個湯。瑤柱冬瓜盅係夏天解暑既湯水之一。內裡的配料比想像中的多, 入口清甜,  而且冬瓜好入味，冬瓜刮起時都無散開， 份量勁多，每人都起碼飲左三四碗。鮮蝦餅: 外表炸得金黃，食落係熱辣辣， 脆口彈牙，但又唔覺得太油膩，蝦味足。蜜汁叉燒皇: 叉燒燒得好香，叉燒肥肉同瘦肉比例均衡，肉質鬆軟，肉汁完全鎖住係叉燒內。容記鐵板原條茄子：上枱職員會先用較剪剪開一舊舊，香噴噴熱辣辣，茄子外皮香脆，中間釀了肉碎，食落味道香濃，口感好juicy。沙拉汁明蝦球：蝦球蘸過薄漿炸脆 , 再加進適量沙律醬掛係蝦球上，令人特別開胃，蝦球夠大，而且爽彈。