憶食尚臘味煲仔飯

营业中

休息中

近期疫情肆虐都唔夠膽去太遠嘅地方食飯近近哋 喺屋企樓下搵咗餐廳醫肚 開頭以為憶食尚淨係得煲仔飯食 原來都有唔少中式嘅小菜~特色臘味煲仔飯煲仔飯嘅材料有臘鴨 臘腸同臘肉 臘鴨鹹香惹味 而用茅台整嘅臘腸 帶有淡淡嘅香醇酒香 令人回味！ 臘肉油香四溢 加埋卜卜脆嘅飯焦 令人食得上癮！菠蘿咕嚕肉味道酸酸甜甜 咕嚕肉吸收曬啲醬汁 外脆內軟 醒神又開胃 而伴碟嘅 菠蘿亦不遜色 新鮮爽甜好送飯~時令時菜菜心有鑊氣 但唔會成碟油淋淋 而且新鮮嫩綠 唔使過多嘅調味 簡簡單單 已經好好食！