薯仔屋 (已結業)

今日同朋友係銅鑼灣行完成日街，決定搵間可以坐好耐嘅餐廳hea吓傾下計🙆🏻係我朋友介紹之下就黎咗薯仔屋，真係冇黎錯地方，估唔到銅鑼灣都有咁似屋企感覺嘅餐廳！一入到去就見到有足球機，wii 同埋好多唔同系列嘅漫畫書！如果鐘意模型嘅一定會好開心因為係枱附近都有好幾個裝滿模型嘅櫃。最啊吸引我朋友嘅應該係部街機，裏面有成600隻game我同我朋友食飯前都只係試玩咗5隻😞仲好想繼續玩落去🙆🏻講起設施就順帶一提呢度有BB專區，鋪滿軟墊 好適合一家大細黎食飯🙆🏻講返食物先😝呢到嘅食物真係高質！我同朋友叫咗個2人餐包括雞翼、沙律，而主菜就有沙律醬燒豬仔全骨配肉醬薯仔屋鋪天薯條😆呢個菜式攞咗第六屆食神爭霸戰冠軍😍真係唔話得！個醬同豬仔骨好夾，加埋肉醬薯條簡直就perfect💕下次成班frd嘅話一定再黎，難得有間又多野玩，食物又高質嘅cafe🙆🏻