影片
更多
2016-06-01
318 浏览
「Cafe Hillywood」位置有少少tricky 如果大家由佐敦站D出口出發就要小心啦 轉入柯士甸道之後會行好遠 要過幾條馬路 行5分鐘左右會見到分岔路 留意 睇落無咩人嗰邊先啱！另一邊係柯士甸路 雖然都去到同一幢大廈 但會搵唔到入口：P（抱歉小妹唔小心單獨up咗相 所以本文無插圖啦...）店內的裝潢好有文青嘅味道 有畫 有單車 一入門口仲有幅好靚嘅壁畫 店內有梳化位 餐桌密度唔高 每台客人都有自己的私人空間～～呢度分午市 晚市 只有晚市收加一小妹同朋友6pm到 未到peak hour 可以食個寧靜嘅early dinner～～～前菜點咗餐廳推介嘅水牛芝士番茄沙律 $98一客... 番茄同芝士係切開一片片咁上 上面淋咗橄欖油 下面係火箭菜！切成細片有個好處 就係番茄汁同橄欖油可以均勻咁分佈喺芝士裡面 味道較豐富～～～ 火箭菜係小妹比較喜歡係沙律配菜 因為有少少果仁味 好特別～～～主菜係小妹睇完OpenRice食評之後期待咗好耐嘅招牌鮮海膽意粉 每份$138... 上桌時 餐廳每日炮製嘅手打粗麵上面 躺著一pat美味嘅日本(馬糞？)海膽小妹試咗一啖之後 將佢連埋碟內嘅忌廉和黑芝麻一
（抱歉小妹唔小心單獨up咗相 所以本文無插圖啦...）
店內的裝潢好有文青嘅味道 有畫 有單車 一入門口仲有幅好靚嘅壁畫 店內有梳化位 餐桌密度唔高 每台客人都有自己的私人空間～～
呢度分午市 晚市 只有晚市收加一
小妹同朋友6pm到 未到peak hour 可以食個寧靜嘅early dinner～～～
前菜點咗餐廳推介嘅水牛芝士番茄沙律 $98一客... 番茄同芝士係切開一片片咁上 上面淋咗橄欖油 下面係火箭菜！切成細片有個好處 就係番茄汁同橄欖油可以均勻咁分佈喺芝士裡面 味道較豐富～～～ 火箭菜係小妹比較喜歡係沙律配菜 因為有少少果仁味 好特別～～～
主菜係小妹睇完OpenRice食評之後期待咗好耐嘅招牌鮮海膽意粉 每份$138... 上桌時 餐廳每日炮製嘅手打粗麵上面 躺著一pat美味嘅日本(馬糞？)海膽小妹試咗一啖之後 將佢連埋碟內嘅忌廉和黑芝麻一齊攪勻 就成碟麵都係香甜嘅海膽味啦～～～
之後 友人再點咗一客$258嘅7成熟安格斯牛肉眼排 又係有火箭菜做配菜 仲有車厘茄 同用嚟配牛扒嘅蒜頭... 塊扒好大塊 大過小妹兩隻手掌...... 掀開牛扒 原來有薯條 小妹喜歡廚師將牛扒壓喺薯條上面 一來 薯條會快啲淋 無咁易刮傷口 二來牛肉汁會滲入薯條度
美中不足是沒有甜品... 不過就有特色沙冰和疏打！小妹有啲咳 所以無機會品嚐了.....
张贴